Evlilik təklifi, işarə diski ilə tennis oynamaq istəyənlər və... - METRODAN VİDEO REPORTAJ

17 İyul 15:16 İş Xanımı
"Ətək şalvarla əvəz olunsaydı çox yaxşı olardı"

"Kommersant"ın "İş xanımı" rubrikasının bu dəfəki müsahibi Səbinə Məmmədova 2 ilə yaxındır ki, 51 yaşlı yeraltı dünyada çalışır.

Kimya ixtisası üzrə təhsil alsa da, uniforma sevgisi onu metropolitenə gətirib çıxarıb.

"Xətai" stansiyasında qatarları qəbul edib-yola salan növbətçi xanım, işlədiyi illər ərzində müxtəlif xarakterli insanlarla, hadisələrlə qarşılaşıb. Evlilik təklifi, enerji böhranı zamanı tuneldə qalan insanlar, xanımın əlindəki işarə diski ilə (öz dili ilə desək, "soyuq silah"la) tennis oynamaq istəyənlər, dava salanlar və s..

Səbinə xanım bəzi sərnişinlərin onu yerli-yersiz narahat etmələrindən gileylənsə də, peşəsinə olan sevgisi bütün çətinlikləri arxa planda qoyur. 12 saatlıq iş rejimindən yorulmayan, əksinə, zövq alan xanım müsahibimiz, 40 yaşına qədər fəaliyyətini davam etdirməyi düşünür.

Peşəsi ilə bağlı yeganə iradı isə növbətçi xanımların geyiminədir:

"Xüsusilə qış aylarında hava soyuq olduğundan ətək geyinmək müəyyən çətinlik yaradır. Ətək şalvarla əvəz olunsa çox yaxşı olardı".

  • Əvvəlki

    Bu istirahət mərkəzləri "qara siyahi"ya düşdü - SİYAHI

Digər xəbərlər