Əmlak Komitəsindən «kupça» ilə bağlı - YENİLİK

10 May 13:41 İnşaat və Əmlak
Artıq elektron çıxarışa sahib olan vətəndaşlar öz sənədlərinin həqiqiliyini onlayn olaraq yoxlaya bilirlər. Bunun üçün isə istifadəçilərdən heç bir ödəniş tələb olunmur.

Əmlak Məsələləri Dövlət Komitəsindən "Kommersant.Az"a verilən məlumata görə, xidmə ödənişsiz yerinə yetirilir. Vətəndaşlar Elektron Hökumət Portalına (http://e-emdk.gov.az/eemdk/az/CheckElectronExtract) daxil olaraq çıxarışın qeydiyyat və reyestr nömrələrini qeyd etməklə sənədin düzgünlüyünü yoxlamaq imkanına malikdir.

Xidmətin istifadəsində məqsəd daşınmaz əmlakın qeydiyyatı prosesində vətəndaş-məmur ünsiyyətini minimuma endirmək, əlçatanlığı artırmaq, məmnunluğu yüksəltmək, operativliyi təmin etməkdir.

Bununla mülkiyyətçilərin evlərinə kommunal xidmətlər qoşulanda tələb olunan çıxarışı müvafiq idarəyə gətirməsinə ehtiyac qalmır. Həmin qurum elektron çıxarışın yoxlanması sistemindən istifadə etməklə mülkiyyəti təsdiq edən sənədlə tanış ola bilər.

Eyni zamanda vətəndaşlar hər hansı bir şəxsi mənzillərinə qeydiyyata aldırmaq istədikdə bu elektron xidmətdən istifadə edə bilir. Belə ki, əvvəllər mülkiyyətçi bu işi həyata keçirmək üçün əmlaklarına dair çıxarışını kağız formasında notariusa təqdim edirdilər. Ancaq indi vətəndaş mülkiyyət sənədini gətirmədən, notarius adıçəkilən xidmətdən istifadə etməklə çıxarışın həmin şəxsə mənsub olub olmadığını yoxlaya bilir.

Həmçinin bu xidmət alqı-satqı prosesində də vətəndaşlar üçün olduqca faydalıdır. Belə ki, alıcı əmlakı almaq istədikdə çıxarışın sahibini rahatlıqca dəqiqləşdirə bilər. Mülkiyyət sənədinin kimin adına olduğuna əmin olur. Bununla alqı-satqı prosesində dələduzluq hallarının qarşı alınır.
Qeyd edilməlidir ki, daşınmaz əmlakın dövlət reyestrindən kağız formada təqdim olunan çıxarışda göstərilən bütün məlumatlar elektron çıxarışda da əks olunur. Elektron qaydada əmlaka dair çıxarış əldə etmiş şəxs öz elektron çıxarışını bütün dövlət orqanlarında istifadə edə bilər.

Bundan əlavə, elektron çıxarış sistemi kağız çıxarışın itirilməsi, yararsız hala düşməsi ilə bağlı problemlər ortadan qalxır. Kağız çıxarışın başqa insanlar tərəfindən saxtalaşdırılması və qanunsuz istifadə edilməsi halı tam istisna edilir.

ƏMDK bildirir ki, daşınmaz əmlakın qeydiyyatının bütünlüklə elektronlaşması üçün işlərini sürətləndirəcək. Müasir yanaşmalardan, innovativ üsullardan istifadə etməklə əhalinin əmlakının daha rahat yolla qeydiyyata alınması işini davam etdirəcək.

  • Əvvəlki

    Maliyyə-təftiş komissiyasının hesabatı olacaq - TOPLANTI

Digər xəbərlər

17 Sentyabr 13:41 İnşaat və Əmlak
83 dövlət əmlakı satışa çıxarılır - HƏRRAC
0 0
12 Sentyabr 15:39 İnşaat və Əmlak
“Kristal Abşeron”dan növbəti fırıldaq - FOTO-FAKT
0 0
11 Sentyabr 10:21 İnşaat və Əmlak
Evlərin rayonlar üzrə satış qiymətləri - SİYAHI, AÇIQLAMA
0 1
10 Sentyabr 18:10 İnşaat və Əmlak
Bu kəndə 2,5 milyon manat ayrıldı - SƏRƏNCAM
0 0
7 Sentyabr 14:19 İnşaat və Əmlak
MİDA ən az şəhid ailələrinə ev verib - RƏSMİ
0 1
6 Sentyabr 13:59 İnşaat və Əmlak
"Sosial evləri" hansı bank vasitəsilə almaq olar?
0 1
5 Sentyabr 18:11 İnşaat və Əmlak
3 fərmana dəyişiklik edildi - FƏRMAN
0 0
5 Sentyabr 16:48 İnşaat və Əmlak
"Mənzillərin seçimi uğurla başa çatdırılıb" - MİDA
0 0
5 Sentyabr 12:04 İnşaat və Əmlak
"Sosial evlər"in satış tarixi dəyişib
0 0
4 Sentyabr 17:21 İnşaat və Əmlak
Sabahdan "sosial evlər"in yenidən satışına başlanacaq
0 0