Azərbaycan və Rusiya gömrük orqanları arasında növbəti işçi görüş keçirilib

06.09.2018 İqtisadiyyat
Xaçmaz şəhərində Azərbaycan-Rusiya dövlət sərhədindəki gömrük buraxılış məntəqələrində yaranan problemlərin operativ həlli və müəyyən buraxılış məntəqələrinin işinin effektivliyinin artırılması üzrə məsələlərin müzakirəsi məqsədilə Azərbaycan Dövlət Gömrük Komitəsinin (DGK) və Rusiya Federal Gömrük Xidmətinin nümayəndələri arasında işçi görüşü keçirilib.

DGK-dan "Kommersant.az"a verilən məlumata görə, görüşdə Azərbaycan Dövlət Gömrük Komitəsi Xarici əlaqələr idarəsi, Şimal Ərazi Baş Gömrük İdarəsi və Rusiya Federal Gömrük Xidmətinin Şimali-Qafqaz Gömrük İdarəsinin nümayəndələri iştirak edib.
Görüş zamanı iki ölkə arasında mövcud dostluq əlaqələrinin bu gün də uğurla davam etdirilməsinin bariz nümunəsi kimi sentyabrın 1-də Azərbaycan Prezidenti İlham Əliyevin rəhbərliyi ilə nümayəndə heyətinin Rusiyaya səfəri, bu səfər çərçivəsində müzakirə olunan məsələlərin ölkələrimizin bütün sahələrinə, o cümlədən iqtisadi həyatına verəcək töhfələri, gömrük işi sahəsində ikitərəfli əməkdaşlığın daha da genişləndirilməsi, bu sahədə hüquq müqavilə bazasını gücləndirəcək iki sənədin imzalanmasının əhəmiyyəti vurğulanıb.
Daha sonra görüşün gündəliyinə müvafiq olaraq, Azərbaycan Dövlət Gömrük Komitəsi və Rusiya Federal Gömrük Xidməti arasında müəyyən növ mallara münasibətdə gömrük nəzarətinin nəticələrinin qarşılıqlı tanınması haqqında 3 iyul 2015-ci il tarixli Protokolun həyata keçirilməsi, növbələrin yaranmasının qarşısının alınması məqsədilə hər iki ölkənin gömrük orqanları arasında səmərəli qarşılıqlı fəaliyyətin təşkili, malların idxalı və ixracı zamanı gömrük dəyərinə nəzarətə dair Azərbaycan Respublikasının qanunvericiliyi və normativ sənədlərlə tanışlıq, həmçinin malların mənşəyi barədə elektron sertifikatlar sisteminin yaradılmasına dair məsələlər müzakirə olunub.
Bununla yanaşı, görüşdə Rusiyanın gömrük orqanları tərəfindən tətbiq olunan müasir gömrük texnologiyaları ilə Azərbaycanın xarici iqtisadi fəaliyyət iştirakçılarını və daşıyıcılarını tanış etmək üçün cari ilin noyabr ayında seminar-məşğələnin təşkil edilməsi, həmçinin Azərbaycan və Rusiya arasında keçirilən mal və nəqliyyat vasitələri barədə ilkin məlumat mübadiləsinin təşkili istiqamətində sərhəd gömrük postlarının nümayəndələri tərəfindən əməkdaşlığın davam etdirilməsinin zəruriliyi vurğulanıb.
Tədbirdə həmçinin Azərbaycan istehsalı olan şərab məhsullarının Rusiyaya ixracının əlverişli şəkildə həyata keçirilməsi məqsədilə Azərbaycan-Rusiya dövlət sərhədinin qarşı tərəfdəki gömrük keçid məntəqəsi ərazisində aksiz postunun yaradılması ilə bağlı məsələ Rusiya Federal Gömrük Xidmətinin nümayəndələrinin diqqətinə çatdırılıb. Məsələ ilə bağlı qarşı tərəf aidiyyəti dövlət qurumlarına müvafiq müraciətin təqdim olunacağını və qısa zamanda münasibətin bildiriləcəyini qeyd edib.
Tədbirin sonunda işçi görüşün protokolu imzalanıb.

  • Əvvəlki

    TAP-ın Yunanıstan və Albaniya marşrutunda boruların 91 faizi torpağa basdırılıb

Digər xəbərlər

31.01.2019 İqtisadiyyat
Prezident bu təqaüdləri artırdı - FƏRMAN
1 0
31.01.2019 İqtisadiyyat
Azərbaycan qazın qiymətini qaldırıb
0 0
30.01.2019 İqtisadiyyat
Bu rüsumlar artırılır
0 0
28.01.2019 İqtisadiyyat
119 dövlət əmlakı hərraca çıxarıldı
0 0