USD1,7000
EUR1,8634
GBP2,1133
RUB0,0208

"Alpari" departamentinin direktoru: "Neftin qiyməti 100 dollar/barelə yüksələ bilər"

16.05.2018 İqtisadiyyat
0 0
"Neftin qiyməti 100 dollar/barelə yüksələ bilər, özü də bu, gələn il olacaq".

Bunu "Alpari" analitik departamentinin direktoru Aleksandr Razuvayev "Merrill Lynch"dən olan amerikalı ekspertlərin ilin sonuna neftin bir barelinin qiymətinin 100 dollara çata biləcəyi ilə bağlı proqnozuna münasibət bildirərkən deyib.

Onun sözlərinə görə, bu, böyük investisiya bankları tərəfindən ilk optimist qiymətləndirmədir. "Həmkar analitiklərin fikrincə, neft bazarında buma səbəb olacaq əsas amillər Venesuelada istehsalın azaldılması, ABŞ-ın İranla nüvə sazişindən çıxması, hasilatın məhdudlaşdırılması haqqında OPEC+ müqavilələrinin işə düşməsi olacaq. Hələ ötən ilin sonunda 2018-ci il üçün İllik Strategiyada "Brent" markalı neft üçün hədəfi 80 dollar/barel müəyyənləşdirmişdik. Bu göstəricinin bu ilin ilk yarısında əldə olunacağına inanmaqda davam edirik. 2018-2019-cu illərdə məhz buna orientasiya etməyi tövsiyə edirik. Təbii ki, qiymət hədəfimizdən yayına da bilər", - departament direktoru bildirib.

Eyni zamanda, A.Razuvayev neftin qiymətinin uzun müddət 100 dollar/barel səviyyəsində qalmayacağını və 80 dollar/barel civarında tənzimlənəcəyini düşünür.

Neft bazarındakı ümumi vəziyyət haqqında danışan ekspert qeyd edib ki, OPEC+ çərçivəsində neft hasilatını azaltmaq üzrə razılaşmanın 2018-ci ilin sonuna qədər uzadılması razılaşmaya qoşulmayan ölkələrdə istehsalın artımına gətirib çıxarıb: "İlk növbədə, bu, ABŞ-a aiddir. Orada hasilat sazişin imzalanmasından sonra 18% artıb və nəticədə ABŞ indi Rusiyadan sonra neft hasilatında ikinci yerdədir. İndi Rusiya sutkada 11,35 mln. barel, Səudiyyə Ərəbistanı 9,92 mln. barel neft hasil edir. Pessimist insanlar hələ də amerikalı neftçilərin bazarı çökdürə biləcəyini düşünürlər. Onlar davamlı texnologiyalar üzərində işləyirlər və ABŞ neftinin maya dəyəri daim azalır. Üstəgəl, FED dərəcələrinin yüksəldilməsi neftin qiymətinin aşağı düşməsinin xeyrinə olan mühüm uzunmüddətli amildir".

  • Əvvəlki

    Kənd təsərrüfatı naziri: "Hədəfimiz innovativ və müasir düşüncəli kadrlardır"

Digər xəbərlər

28.03.2024 İqtisadiyyat
Bu günə olan valyuta məzənnələri
0 0
27.03.2024 İqtisadiyyat
Apple panoramik ekranlı iPhone-u icad etdi
0 0
27.03.2024 İqtisadiyyat
Avropada qazın qiyməti yenidən bahalaşıb
0 0
27.03.2024 İqtisadiyyat
Elektron ticarətə vergilər - YOLDADIR
0 0
27.03.2024 İqtisadiyyat
Avropada saatlıq əmək xərcləri artdı
0 0
27.03.2024 İqtisadiyyat
Türkiyənin xam neft idxalı artıb
0 0