Dünya maliyyə bazarları ilə bağlı həftəlik analiz

4 İyun 12:05 Birja
InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

Dünya valyuta birjalarında avroda müşahidə edilən 2%-lik bahalaşma, həftənin ikinci yarısında zəifləyərək 1.1616-1.1723$ aralığında ticarət edilib. Qiymət 1.1750$-ı da yuxarı istiqamətdə qırarsa, 1.1830$-a kimi də bahalaşa biləcəyi proqnozlaşdırılır.

Qeyd etmək lazımdır ki, ABŞ-ın Avropa məhsullarına tətbiq etdiyi yeni idxal siyasəti və Avrozonada inflyasiyanın artması fonunda sənaye və digər sahələrdə də aktivliyin artması lazımdır. Bu baxımından bu həftənin çərşənbə axşamı Bakı vaxtı ilə saat 12:00-da açıqlanacaq Avrozonanın xidmət sektoru ilə bağlı biznes aktivliyi indeksi diqqət mərkəzində saxlanılmalıdır.

GBP

GBP/USD məzənnəsinin də bahalaşdığı müşahidə edilir. Təhlillərə əsasən, hal-hazırda 1.3370$-a ticarət edilən GBP/USD məzənnəsi 1.3400$-a kimi də bahalaşa bilər. Məhz bundan sonra qiymət güclü müqavimətlə rastlaşacaqdır. Müqavimətin qırılması təqdirdə isə məzənnədə artımın 1.3480$-a kimi də sürətlənə biləcəyi ehtimal edilir.

TRY

Türkiyə bazarlarında isə dollar 4.4471TL-ə kimi ucuzlaşdıqdan sonra 4.6573TL-ə kimi bahalaşıb və 4.7438 və 4.8033TL-ə kimi də bahalaşa bilər.

Cümə axşamı saat 15:00-da açıqlanacaq Türkiyə Mərkəzi Bankının (TCMB) faiz qərarı da investorların diqqət mərkəzindədir.

OIL

Enerji bazarlarında isə 76.50$-a ticarət edilən Brent neftinin qiymətində ucuzlaşma 76.16$-ın aşağı istiqamətdə qırılması ilə 75.44 və 73.14$-a kimi də davam edə bilər.

Bu həftənin çərşənbə günü saat 18:30-da yayımlanacaq ABŞ-ın neft ehtiyatları ilə bağlı statistik məlumatların da qiymətə güclü təsir edəcəyi gözlənilir.

GOLD

Əlvan metallar bazarlarında qızılın bir unsiya üzrə qiyməti 1290$-ın (41.4 $/qram) üzərində dalğalanmaqdadır və sözügedən səviyyənin üzərində qaldıqca, 1299$ (41.7 $/qram) və 1305$-a (41.9 $/qram) kimi də dəyər qazanacağı proqnozlaşdırılır.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.

  • Əvvəlki

    Türkiyədə qiymətlər gözlənildiyindən daha çox artıb

Digər xəbərlər

15 Avqust 09:50 Birja
Azərbaycan nefti bahalaşıb
0 0
15 Avqust 09:39 Birja
Lirə yenə ucuzlaşıb - YENİ QİYMƏT
0 0
15 Avqust 09:25 Birja
Qızıldan rekord ucuzlaşma - QİYMƏT
0 0
14 Avqust 18:45 Birja
"Birjalarda təşviş yoxdur" - NAZİR
0 1