Aİ ABŞ-ın iqtisadi siyasətinə cavab addımları atacaq

01.06.2018 Maliyyə
Avropa İttifaqı (Aİ) ABŞ-ın polad və alüminium idxalına gömrük rüsumu tətbiq etməsi ilə Ümumdünya Ticarət Təşkilatında məsələ qaldıracaq.

"Kommersant.Az" xəbər verir ki, bu barədə Aİ-nin xarici işlər və təhlükəsizlik siyasəti üzrə ali nümayəndəsi Federika Moqerini məlumat verib.

Bundan başqa, onun sözlərinə görə, ABŞ-ın İttifaq ölkələrinə qarşı olan addımına cavab olaraq bir sıra Amerika məhsullarına idxal gömrük rüsumları tətbiq ediləcək.

"Aİ heç kimlə mübarizə aparmır. Aydındır ki, Birlik maraqlarını qorumalıdır. Biz azad ticarət istəyirik", - deyə F.Moqerini bildirib.

Xatırladaq ki, ABŞ iyunun 1-dən Avropadan gətirilən polad və alüminiuma rüsum tətbiq edib.

  • Əvvəlki

    Mənzili bir neçə nəfərə satmağın cəzası elan edilib

Digər xəbərlər