Nifrət edilən "Şeytanın şirkəti" Avropaya sızdı

6 İyun 12:43 Maliyyə
Almaniyanın "Bayer" şirkəti ABŞ-lı rəqibi "Monsanto"nu 66 milyard dollara satın aldı və 117 illik "Monsanto" markası tarixdən silindi. Ancaq xərçəngə səbəb olduğu səbəbilə bir çox məhsulu məhkəməlik olan şirkətin "Bayer"in köməyiilə Avropaya sızması avropalıları narahat edir.

"Kommersant" xəbər verir ki, satınalmaya dair mübahisələr davam edir. "Bayer" tərəfində qələbə sədaları yüksələrkən, Avropa Birliyində (AB) istehlakçı hüquqlarını qoruyan bir çox təşkilat bu satınalmaya qarşı çıxır. Təşkilatlar satınalma nəticəsində "Monsanto"nun, Avropa Birliyi bazarına daxil etməyə çətinlik çəkdiyi bir çox məhsullarını artıq asanlıqla Avropa miqyasında sata biləcəyini qeyd edirlər.

Birləşmədən sonra yeni şirkət "Bayer" adı ilə yoluna davam edəcəkdir. Amma "Monsanto"nun istehsal etdiyi və bir çox ölkədə xərçəngə səbəb olduğu səbəbilə məhkəməlik olan "Roundup" və "Glifosat" kimi əkinçilik dərmanlarının eyni adla satışı davam edəcəkdir. Uzun müddət Avropa Birliyi (AB) Komissiyasında bu iki məhsulun AB daxilində satılıb satmayacağına dair qızğın müzakirələr aparılırdı. Komissiya 2017-ci ildə sağlamlığa təhlükə yaratmadığını qeyd edərək məhsulların 5 il müddətlə satışına icazə vermişdir. Qərara istehlakçı hüquqlarını qoruyan təşkilatlar etiraz etdilər. Ancaq qərarda hər hansı dəyişiklik olmadı.

Digər tərəfdən, ABŞ-da "Glifosat" və "Dicamba"nın xərçəngə səbəb olduğu səbəbilə çoxlu sayda mülki iddia qüvvədədir. Satınalma ilə bu məhkəmə işlərinə artıq "Bayer"in cavab verəcəyi şirkət investorlarını narahat edir. Digər bir ifadə ilə birləşmə ilə "Monsanto" adı tarixdən silinəcək, ancaq bu, şirkətə olan nifrətin də adla birlikdə tarixə qarışacağı anlamına gəlmir.

TARİXİ FƏLAKƏTLƏRLƏ DOLUDUR

"Monsanto" 1901-ci ildə kimyaçı John Francis Queeny tərəfindən ABŞ-ın Sankt- Luis şəhərində yaradılıb. Şirkətin "Monsanto" olan adı John Francis Queeny-in həyat yoldaşının adıdır. Bir sıra məhsul üzərində çalışan Queeny-in ilk böyük iqtisadi uğuru süni dad saxarindir. Şirkət 1940-cı illərdə kənd təsərrüfatı sahəsinə daxil olub və inkişaf etdirdiyi məhsullarla qlobal şöhrətini artırıb.

Şirkətin kəşf etdiyi aqrar dərmanların bir çoxunun xəstəlik yaratdığı mübahisələrə səbəb olub. Şirkətin "Agent Orange" adlı kənd təsərrüfatı dərmanı Vyetnam müharibəsində istifadə edilib və 400 min insanın ölümünə səbəb olub.

ABŞ-ın ən nifrət edilən 20 şirkətindən biri kimi tanınan "Monsanto"nun Almaniyanın "Bayer" şirkəti tərəfindən satın alınması yüksək riskli bir həmlə olaraq da şərh olunur. ABŞ ictimaiyyətində xərçəng ilə əlaqələndirilən "Monsanto", "Şeytanın şirkəti" və ya "Mutanto" kimi adlandırılır. Bu şirkət indi "Bayer" adı ilə fəaliyyət göstərəcək. Bunun Almaniya şirkətinin imicinə mənfi təsit göstərəcəyi bildirilir. Şirkətin səhminin qiymətinə baxanda isə bu qorxunun qiymətdə çox əks olunmadığı görünür. Şirkətin səhmləri son üç ayda təxminən 14% bahalaşıb.

  • Əvvəlki

    POS-terminalların sayı yenidən artmağa başlayıb

Digər xəbərlər