USD1,7000
EUR1,8634
GBP2,1133
RUB0,0208

Avropada işsizlik May ayında dəyişməyib

02.07.2018 İqtisadiyyat
0 0
Mayda işsizlik, Avro Bölgəsində 8,4 faiz, Avropa Birliyində (AB) 7 faiz səviyyəsində olub və əvvəlki ayla müqayisədə dəyişməyib.

Avropa Statistika Ofisinin (Eurostat) məlumatlarına görə, 19 üzvlü Avro Bölgəsində işsizlik, bu ilin May ayında Aprel ayı ilə müqayisədə dəyişməyərək 8,4 faiz olub. Beləcə işsizlik, 2008-ci ilin Dekabr ayından bu yana görülən ən aşağı səviyyədə qalmağa davam edib.

28 üzvlü AB-də də Mayda aylıq müqayisədə dəyişməyən işsizlik 7% ilə 2008-ci ilin Avqust ayından bəri görülən ən aşağı səviyyədə qalıb.

AB-də işsizlərin sayı Mayda 17 milyon 207 min olub. Sözügedən rəqəmin 13 milyon 656 mini Avro Zonasında yer alıb. İşsizlərin sayı, bir əvvəlki ayla müqayisədə AB-də 154 min və Avro Bölgəsində 125 min azalıb.

İşsizlərin sayı, 2017-nin May ayı ilə müqayisədə isə AB-də 1 milyon 828 min və Avro Bölgəsində 1 milyon 252 min azalıb.


AB-də May ayında ən aşağı işsizlik 2,3 faiz ilə Çexiyada ölçülüb. Növbəti yeri 3,4% ilə Almaniya tutub.

Ən yüksək işsizlik isə 20,1 faiz ilə Yunanıstanda və 15,8 ilə İspaniyada qeydə alınıb.

Bir il əvvələ nisbətən Mayda AB-də işsizlik nisbəti bütün üzv ölkələrdə geriləyib.

  • Əvvəlki

    Amerika biznesmenləri bu bazardan çıxmaq istəmir

Digər xəbərlər

28.03.2024 İqtisadiyyat
Bu günə olan valyuta məzənnələri
0 0
27.03.2024 İqtisadiyyat
Apple panoramik ekranlı iPhone-u icad etdi
0 0
27.03.2024 İqtisadiyyat
Avropada qazın qiyməti yenidən bahalaşıb
0 0