“Volkswagen” müştərilərini aldadır?

03.09.2018 Maliyyə
Benzinlə çalışan avtomobil modellərində nasazlıq ola bilər.

“Kommersant.az” xəbər verir ki, Almaniyanın məşhur avtomobil markalarından olan “Volkswagen”in dizellə çalışan maşınlarda olduğu kimi benzinlə çalışan maşınların da egzoz qazı testlərini manipulyasiya etdiyi iddia olunur.

Belə ki, “Volkswagen”in səlahiyyətindəki “Audi”, “Porsche” maşınlarının daha az karbondioksit (CO2) emissiyaları və yanacaq sərfiyyatını aşağı göstərməsi üçün sistemin manipulyasiya edilməsi ilə bağlı fikirlər söylənilir.

Şirkət rəsmiləri isə məhkəmənin davam etdiyini və yeni iddialarla bağlı açıqlama vermək niyyətində olmadıqlarını vurğulayıb.