"Azercell" mobil operatorunun "Gənc Ol" tarifindəki bəzi endirimlər xəbərdarlıqsız başa çatıb.
"Kommersant.az" xəbər verir ki, "Azercell" mobil operatorunun "Gənc Ol" tarifinin istifadəçilərinə əvvəllər "Park Cinema" da 1+1 kampaniyası var idi. Belə ki, həftənin 5 iş günü ərzində "Park Cinema"da kinoya bilet alan "Gənc Ol" istifadəçiləri 1 bilet almaqla 2-ci bileti pulsuz əldə etmiş olurdu.
"Park Cinema" rəsmisinin verdiyi məlumata görə, sözügedən kampaniya "Azercell" tərəfindən 2 ay əvvəl xəbərdarlıqsız dayandırılıb.
"Bununla bağlı çox müştərilər müraciət edir. Kampaniyanın bitməsindən heç bir "Gənc Ol" istifadəçisinin xəbəri yoxdur. Görünür ki, mobil operator kampaniyanın bitməsi barədə istifadəçilərə əvvəlcədən "SMS"lə xəbərdarlıq etməyib" -deyə "Park Cinema" rəsmisi bildirib.