"Quş əti olmasa, mal-qoyun əti 50 manat ola bilər"

4 İyun 14:23 Sənaye
Toyuq ətinin uzun müddətdir ki, bahalaşmasının şahidi olmuruq.

"Kommersant" bildirir ki, bunu Azərbaycan Quşçular Cəmiyyətinin sədri Aydın Vəliyev deyib.

Onun sözlərinə görə, Quşçular Cəmiyyəti məhsullarının bahalaşmasının tərəfdarı deyil: "Quş əti olmasa, mal, qoyun ətinin satış qiyməti əlli manat ola bilər. Bütün təbəqələrin əldə edə biləcəyi sabit qiymətin olmasının tərəfdarıyıq".

A.Vəliyev əlavə edib ki, xaricə quş əti satmaq çətindir: "Əti satmaq baha başa gəlir. Amma yumurtanı sata bilirik. Ötən il İraqa, Əfqanıstana və İrana yumurta ixrac olunub. Əsasən müsəlman ölkələri Azərbaycandan yumurta alır. Azərbaycan quş ətinə tam təlabatını ödəyir ". (report)