DİQQƏT: Bu gündən başlayır

2 İyul 10:00 Sənaye
Azərbaycan Respublikasının Qida Təhlükəsizliyi Agentliyi bu gündən qida zəncirinin bütün mərhələlərində iştirak edən sahibkarlıq subyektlərinin qeydiyyatının və dövlət reyestrinin aparılmasına başlayacaq.

Agentliyin "Kommersant"a verdiyi məlumata görə, qeydiyyat və dövlət reyestrinin aparılması prosesində sahibkarlıq subyektlərinə hərtərəfli dəstək göstərəcək, onların fəaliyyətinin yeni qaydaların tələblərinə uyğunlaşdırılması və təkmilləşdirilməsi üçün peşəkar yanaşma nümayiş etdirərək tövsiyələr verəcək.

Sahibkarlıq subyektlərinin qeydiyyatı və dövlət reyestrinin aparılması prosesi ilkin olaraq üç mərhələni əhatə edəcək. Belə ki, birinci mərhələdə (iyul-avqust ayları) qida məhsulları sahəsində fəaliyyət göstərən istehsal və təsərrüfat müəssisələrinin, ikinci mərhələdə (sentyabr-oktyabr ayları) qida məhsullarının istehlakçılara çatdırılmasında iştirak edən ticarət müəssisələri və satış mərkəzlərinin, üçüncü mərhələdə isə (noyabr-dekabr ayları) qida zəncirində xidmət sahəsini əhatə edən ictimai iaşə obyektlərinin qeydiyyatının aparılması nəzərdə tutulub. Eyni zamanda bütün mərhələlərdə digər sahələr üzrə müraciət edən sahibkarlıq subyektlərinin də qeydiyyatının və dövlət reyestrinin aparılması həyata keçiriləcək.

Sahibkarlıq subyektlərinin qida təhlükəsizliyi üzrə qeydiyyatı “ASAN xidmət” mərkəzlərində və Agentliyə ünvanlanmış müraciətlər əsasında həyata keçiriləcək.

Qeydiyyat üçün sahibkarlar tərəfindən aşağıdakı sənədlər təqdim olunur:

-Ərizə

-Fiziki şəxslər tərəfindən şəxsiyyəti təsdiq edən sənədin surəti

-Vergi ödəyicisi olmasını təsdiq edən uçota alınma haqqında şəhadətnamənin surəti

-Hüquqi şəxslər tərəfindən dövlət reyestrindən çıxarışın surəti

-Sahibkarın səlahiyyətli nümayəndəsi olmasını təsdiq edən sənəd

-Qeyd olunan obyektlərdən hər biri üzərində ərizəçinin mülkiyyət, istifadə və ya icarə hüququnu təsdiq edən sənədin surəti

-Müraciət edən idxalçı və ya xarici təsərrüfat subyekti olduqda ixracatçı ölkənin səlahiyyətli orqanı tərəfindən subyektin (onun obyektinin) qeydiyyata alınmasını təsdiq edən sənəd və məhsulun təhlükəsizliyini xarakterizə edən müvafiq sertifikatın (mövcud olduqda) notariat qaydasında təsdiq edilmiş surəti

-Dövlət rüsumunun ödənişini təsdiq edən sənəd

Qeyd edirik ki, ərizədə qeydiyyata alınan sahibkarlıq subyektinin adı, hüquqi ünvanı və ya qeydiyyat ünvanı, fəaliyyət istiqaməti, qeydiyyata alınan subyektin fəaliyyət istiqamətindən asılı olaraq həmin fəaliyyətin həyata keçirildiyi faktiki ünvanı, VÖEN-i, səlahiyyətli nümayəndəsi (varsa) barədə, habelə işçilərin (tibbi müayinədən keçmiş işçilər daxil olmaqla) sayı barədə, məhsul və ya xidmət haqqında məlumatlar əks olunmalıdır.

Azərbaycan Qida Təhlükəsizliyi Agentliyi qida zəncirinin bütün mərhələlərində iştirak edən hər bir sahibkarlıq subyektinin qida təhlükəsizliyinin təmin olunmasında iştirakına yüksək qiymət verir və öz fəaliyyətlərini qarşılıqlı etimad şəraitində qanunvericiliyin tələblərinə uyğun şəkildə həyata keçirməyə dəvət edir.

RÜSUMLAR

Xəbər verdiyimiz kimi,

"Dövlət rüsumu haqqında" qanuna əlavə və dəyişikliklər edilib.

Dəyişikliyə görə, qida təhlükəsizliyi sertifikatının verilməsinə görə 20 manat tələb ediləcəkdir.

Baytarlıq sertifikatının verilməsinin (bir sənəd) qiyməti 5 manatdan 20 manata, baytarlıq preparatlarının qeydiyyat şəhadətnaməsinin verilməsi (bir preparat) 50 manatdan 100 manata, idxal karantin icazəsinin verilməsi (bir icazə) 3 manatdan 10 manata qaldırılıb.

Fitosanitar sertifikatlarının verilməsi üçün:

-Bir poçt göndərişinə (dəst) - 20 qəpikdən 2 manata,

-Növündən asılı olmayaraq bir nəqliyyat vasitəsinə (dəst) 1 manatdan 10 manata qaldırılıb.


Qida məhsulları sahəsində fəaliyyət göstərən subyektlərin qida təhlükəsizliyi qeydiyyatına görə:

-reyestrdən çıxarışın verilməsi - 150 manat;

-reyestr məlumatlarında fəaliyyət sahəsindən asılı olaraq baş verən dəyişikliyin edilməsi - 50 manat;

-reyestrdən çıxarışın dublikatının verilməsi - 10 manat müəyyən edilib.

Heyvanların, heyvan mənşəli məhsulların və xammalın baytarlıq normalarına cavab verməsini təsdiq edən ekspertiza aktının verilməsi və ya ətin, heyvan və quş cəmdəklərinin və digər məhsulların üzərinə nişanın qoyulmasının dövlət rüsumu 5 qəpikdən 5 manatadək qaldırılıb (Ətraflı aşağıdakı cədvəldə).

ONLAYN MÜRACİƏT EDİN VƏ 1 GÜNƏ MANAT KREDİTİ ALIN

Heyvanların, heyvan mənşəli məhsulların və xammalın baytarlıq normalarına uyğunluğunu təsdiq edən ekspertiza aktının verilməsi və ya ətin, heyvan və quş cəmdəklərinin və digər məhsulların üzərinə nişan qoyulması üçün dövlət rüsumunun dərəcələri

Azərbaycan Respublikası Prezidentinin 2018-ci il 25 iyun tarixli Fərmanı ilə təsdiq edilmişdir

Sıra nömrəsi

Heyvanlar, heyvan mənşəli məhsullar və xammal

Ölçü vahidi

Dövlət rüsumunun məbləği

(manatla)

1

2

3

4

1.

Qaramal və ya digər iri heyvanların əti (1 cəmdək)

1 müayinə

5,00

2.

Qoyun və donuz əti (1 cəmdək), donuz piyi — (1 partiya)

1 müayinə

4,00

3.

Diri quş və quş əti (1 baş və ya 1 cəmdək)

1 müayinə

0,05

4.

Hazır ət məhsulları (hər biri 1 partiya)

1 müayinə

5,00

5.

İçalat, dil, baş, dırnaq — 1 partiya

1 müayinə

3,00

6.

Balıq (diri, dondurulmuş və ya hisə verilmiş) — 1 partiya

1 müayinə

3,50

7.

Yumurta (topdansatış — 1 partiya (1000 ədəddən artıq)

1 müayinə

2,50

8.

Yumurta (pərakəndə satış — 1 partiya (1000 ədədə qədər)

1 müayinə

1,30

9.

Süd və süd məhsulları, mum, vərəmum — hər biri 1 partiya

1 müayinə

2,60

10.

Arı balı — 1 partiya

1 müayinə

4,50