“Qarabağ” 6 milyon manatdan çox qazandı

15.12.2018 Hesabat
Azərbaycanın “Qarabağ” klubunun 2018-2019-cu il avrokuboklar mövsümündən UEFA-dan qazancı məlum olub.

"Kommersant.az" xəbər verir ki, qrup mərhələsinin nəticələrinə görə “Qarabağ” 3,19 milyon avro (təxminən 6,2 milyon manat) alacaq.

Qrup mərhələsinə çıxdığına görə Ağdam klubu 2,62 milyon avro, “Vorskla” üzərindəki qələbəyə görə isə 570 min avro əldə edəcək.

Əgər “Qarabağ” “pley-off”a çıxsaydı, əlavə olaraq, 1,1 milyon avro qazanacaqdı.