Bakı Metropoliteninin avtoparkına - 1,2 MİLYON XƏRCLƏNİB

11.01.2019 Sosial
Bakı Metropoliteni yük və minik avtomobiləri təkərlərinin alınması, eləcə də avtomobil, maşın və mexanizmlər üçün ehtiyat hissələrinin satın alınmasına dair iki müqavilə bağlayıb.

"Kommersant.az" xəbər verir ki, Bakı Metropoliteninin avtoparkının saxlanılması 1,2 milyon dollar başa gələcək. Bu müqavilələrin ümumi dəyəri ƏDV daxil olmaqla 2 milyon manat (1,2 milyon dollar) çoxdur.

Bakı Metropoliteninin Tender Komissiyasının məlumatına görə, "Grand Motors" MMC 449,1 min manatlıq avtomobil təkərləri tədarük edəcək. Həmin şirkət 2018-cı ilin iyun ayında Bakı Metropoliteninin QSC ilə təkərlərin tədarükü üçün 336,7 min manatlıq (ƏDV daxil olmaqla) müqavilə imzalayıb. Bu il "Nəqliyyat Təmir-Təchizat" MMC Metropolitenin avtomobillər və digər maşınlar və mexanizmlər üçün ehtiyat hissələri üzrə 1 milyon 626,5 min manat məbləğində ehtiyaclarını təmin edəcək. Ötən ilin iyun ayında bu şirkətlə 384,6 min manatlıq (ƏDV daxil olmaqla) oxşar müqavilə bağlanılıb.