"Qarabağ" "Arsenal" futbolundan nə qədər pul qazanılıb?

03.10.2018 Turizm
Avropa Liqasında “Qarabağ” və İngiltərənin “Arsenal” komandaları arasında keçiriləcək II tur matçına satılan biletlərin sayı açıqlanıb.

“Qarabağ” klubundan verilən xəbərə görə, artıq 55 min bilet satılıb.

Görüşün keçiriləcəyi Bakı Olimpiya Stadionu 70 minədək tamaşaçı tutumuna malikdir. Biletlərin qiymətləri sektorlara uyğun olaraq 2, 3, 5 və 10 manat arasında dəyişir. "VİP" biletlər isə alıcılara 50 manata təklif olunur.

Biletlərin qiyməti 2 manatdan 10 manatadək dəyişdiyi üçün ("VİP" xaric) orta hesabla (5 manat) hesablasaq məlum olur ki, "Qarabağ" futbol klubu orta hesabla 275 min manat qazanc əldə edib. Əgər stadion tam dolarsa o zaman "Qarabağ" futbol klubu orta hesabla 350 min manat ("VİP" xaric) qazanc əldə edəcək.

Qeyd edək ki, “Qarabağ”-”Arsenal” oyunu oktyabrın 4-də Bakı vaxtı ilə saat 20:55-də keçiriləcək