Turistlər "king size" çarpayıları seçir

05.10.2018 Turizm
Hoteldə nömrə bronu zamanı turistləri ən çox narahat edən məqamlar müəyyən edilib.

"Kommersant.az" xəbər verir ki, Rusiya tədqiqatçılarının əldə etdiyi nəticələrə görə, hoteldə qalmaq istəyən qonaqları ilk növbədə sakitçilik və rahatlıq maraqlandırır. Onlar restoran və idman zallarının üzərində yerləşən otaqlardan qaçırlar. Bron zamanı turistləri maraqlandıran əsas məqamlardan digəri isə liftdən mümkün qədər uzaqda yerləşən otaqların seçilməsidir.

Üçüncü yerdə isə "king size" çarpayılar gəlir. Reytinq cədvəlinin onluğuna eyni zamanda, dağ və dəniz mənzərəli otaqlar, uşaq çarpayısı olan, siqaret çəkilməyən və balkonu olan nömrələr də daxildir.