Rusların sevdiyi avtomobil - "Lada Vesta"

04.10.2018 Dünya
"Avtovaz" modeli olan "Lada Vesta" bu il Rusiyada ən tələbatlı avtomobil olub.

"Kommersant.az" xəbər verir ki, 2018-ci ilin 9 ayı üzrə nəticələrə əsasən, 75 min 189 (39%) "Lada Vesta" satılıb. Satış həcminə görə ikinci yeri isə 75 min 71 satışla "Kia Rio" tutur. Reytinqin üçüncü pilləsində isə "Lada Granta" (70 min 186) gəlir.

Qeyd edək ki, "Lada Vesta" ailəsi sedan, universal və kross modellərindən ibarətdir. Modellərin istehsalı "Lada İjevsk" zavodunda həyata keçirilir. "Lada Vesta" ailəsinə tezliklə "Lada Vesta Sport" da qoşulacaq.