OPEC-in neft hasilatı Apreldə artıb

14.05.2018 Energetika
Neft İxrac Edən Ölkələr Təşkilatının (OPEC) gündəlik xam neft hasilatı, Aprel ayında əvvəlki ayla müqayisədə 12 min barrel artaraq 31 milyon 930 min barelə yüksəlib.

"Kommersant.Az" xəbər verir ki, OPEC-in Neft Bazarı Hesabatına görə, Apreldə qlobal neft hasilatı əvvəlki ay ilə müqayisdə gündəlik 120 min barrel artaraq 97 milyon 890 min barel olub.

Apreldə OPEC-ə daxil olmayan ölkələrdə neft hasilatı gündəlik 110 min barrel artıb və 65 milyon 960 min barelə çatıb.

OPEC-in xam neft istehsalı isə keçən ay əvvəlki aya nisbətən gündəlik 12 min barrel artaraq 31 milyon 930 min barrelə çıxıb. OPEC-in Apreldə qlobal neft hasilatı içərisindəki payı dəyişməyərək 32,6 faiz olaraq qalıb.

Keçən ay OPEC-də xam neft hasilatı ən çox Səudiyyə Ərəbistanı, Əlcəzair və İranda artarkən, Venesuela, Qabon və Nigeriyada düşüb.

Səudiyyə Ərəbistanında gündəlik neft hasilatı Apreldə əvvəlki ay ilə müqayisədə 46 min 500 barel, Əlcəzairdə 17 min 700 barrel və İranda 10 min barel artım göstərib.

İqtisadi və siyasi sahədə çətin bir dövrdən keçən Venesuelada isə gündəlik hasilat 41 min 700 barel düşərək 1 milyon 436 min barrelə enib.

Apreldə gündəlik hasilat Qabonda 9 min 300 barrel, Nigeriyada isə 8 min 300 barrel azalıb.

QLOBAL TƏLABAT ARTMAĞA DAVAM EDƏCƏK

OPEC-in proqnozuna görə, bu il qlobal neft tələbi keçən ilə görə 1 milyon 650 min barel artımla gündəlik 98 milyon 850 min barelə çatacaq.

  • Əvvəlki

    Birja üzvlərinin dövriyyələri açıqlandı

Digər xəbərlər

15.10.2019 Energetika
Azərbaycan nefti ucuzlaşıb
0 0
14.10.2019 Energetika
Qaradağ rayonunda qaz kəsiləcək
0 0
14.10.2019 Energetika
Neft yenidən ucuzlaşıb
0 0
05.10.2019 Energetika
Neftin son qiyməti
0 0