"Total" şirkəti "Şimal axını-2" layihəsində iştirak etməyəcək

26.05.2018 Energetika
Fransanın "Total" şirkəti Rusiya tərəfindən icra olunan "Şimal axını-2" qaz kəməri layihəsində iştirak təklifindən imtina edib.

"Kommersant.Az" xəbər verir ki, şirkətin baş icraçı direktoru Patrik Puyannenin Sankt Peterburq Beynəlxalq İqtisadi Forumu çərçivəsində Rusiya prezidenti Vladimir Putinlə keçirdiyi görüşdə bu məsələ qaldırılıb və Fransa tərəfi layihədə iştirak etməyəcəyini bildirib.

Məlumata görə, görüşdə "Total" rəhbəri Vladimir Putindən gələcəkdə Rusiyanın "NOVATEK" şirkəti ilə yaradılacaq birgə müəssisə vasitəsilə Avropaya qaz ixracına icazə verməyi xahiş edib.