Neft daha da ucuzlaşacaq - EKSPERT ŞƏRHİ

07.11.2018 Energetika
"Öncədən proqnozlaşdırdığımız kimi, artıq qlobal neft bazarı İrana qarşı tətbiq edilən sanksiyalara adaptasiya olunub".

"Kommersant.az" xəbər verir ki, bunu ABŞ-ın İrana tətbiq etdiyi yeni sanksiyalar paketinin neftin dünya bazar qiymətinə təsirini şərh edərkən iqtisadçı alim Vüqar Bayramov bildirib. Onun sözlərinə görə, sanksiyaların gücləndirilməsinə baxmayaraq, neftin qiyməti nəinki yüksəldi, əksinə azaldı:

"Digər tərəfdən, ABŞ 8 ölkənin İrandan neft almasına növbəti 6 ayda yaşıl işıq yandırdı. Buna görə də, yaxın zamanlarda neftin 1 barelinin qiymətinin 70 dollardan aşağı düşdüyünü görsək, heç də təəccüblənməməliyik",- V.Bayramov qeyd edib.