USD1,7000
EUR1,8634
GBP2,1133
RUB0,0208

İngilis funt sterlinqi sürətlə ucuzlaşır

10.07.2019 Bank
0 0
Böyük Britaniyanın milli valyutası - ingilis funt sterlinqi dünyanın aparıcı valyutaları, o cümlədən ABŞ dolları qarşısında sürətlə ucuzlaşır.

"Kommersant.az" xəbər verir ki, bu barədə "Bloomberg" agentliyi məlumat yayıb.

İyunun 24-də 1,27 olan USD/GBP nisbəti 1,24-ə düşüb.

Bu, 2017-ci ilin aprel ayından bəri ən aşağı həddir.

Böyük Britaniyanın dövlət istiqrazlarının gəlirliliyi isə 2016-cı ilin sentyabr ayından bəri ən aşağı həddədir - 0,72%. Amma son günlər bu göstəricidə dəyişiklik olmayıb.

Ekspertlər funt sterlinqin dəyərdən düşməsini Böyük Britaniya iqtisadiyyatının zəifləməsi ilə əlaqələndirirr. Xüsusilə bu ölkədə pərakəndə ticarət satışları 2012-ci ildən bəri ən aşağı səviyyədədir.

İnvestorlar ölkənin Avropa İttifaqını tərk etməsini, baş nazir Tereza Meyin istefa verməsi fonunda İngiltərə Mərkəzi Bankının faiz dəhlizi parametrlərini aşağı salmasını əlavə risk kimi qiymətləndirirlər. Sonuncu amil dövlət istiqrazlarının cəlbediciliyini azaldır.