Tədris ili uzadılır?

“Ali tədris müəssisələrində bu tədris ilinin uzadılması nəzərdə tutulmur”.

"Kommersant.az"-ın xəbərinə görə, bunu Nazirlər Kabineti yanında Operativ Qərargahın mətbuat konfransında Təhsil naziri Ceyhun Bayramov bildirib.

O deyib ki, ali məktəblərdə 176 minə yaxın tələbə təhsil alır. Onlardan 75 faizə qədəri onlayn dərslərə qoşulub.

Nazir deyib ki, ali məktəblərdə yay sessiyasının iyun-iyul aylarında həyata keçirilməsi nəzərdə tutulur.

İxtisasların xüsusiyyətləri nəzərə alınaraq, bir sıra ixtisaslar üzrə imtahanların onlayn keçirilməsi mümkündür: "Belə hal mümkün olmadıqda, imtahanlar ənənəvi qaydada təşkil oluna bilər. Qeyri-standart vəziyyət nəzərə alınaraq, iyun-iyul aylarında tələbələr imtahan sessiyasında iştirak edə bilmədiklərini nəzərə çatdırarlarsa, həmin tələbələr üçün avqustun sonu, sentyabrın əvvəlində xüsusi imtahan sessiyası keçiriləcək. Bundan əvvəl isə ali məktəblər tərəfindən icmal sessiyaları təşkil olunacaq".

təhsil nazirliyi nazirlər kabineti ceyhun bayramov

Kommersant.az

Xəbərin müəllifi

Facebok Twitter LinkedIn

Əvvəlki
İngiltərə Mərkəzi Bankı faiz qərarını açıqlayıb
Sonrakı
Azərbaycanın tranzit imkanlarını genişləndirmək üçün tərəfdaşlarımızla, qonşularımızla işləyirik.