“Karantin yenidən sərtləşdirilə, metro işini dayandıra bilər”

“Karantin yenidən sərtləşdirilə, metro işini dayandıra bilər” - TƏBİB-in rəsmisi, VİDEO

Karantin rejiminin yenidən sərtləşdirilməsi istisna edilmir.

"Kommersant.az" xəbər verir ki, bu barədə Tibbi Ərazi Bölmələrinin İdarəetmə Birliyi (TƏBİB) yanında Tibbi-Elmi Komitənin sədri, ATU-nun Tibbi Mikrobiologiya və İmmunologiya kafedrasının professoru, tibb elmləri doktoru Akif Qurbanov Real TV-yə müsahibəsində bildirib.

Akif Qurbanov – TƏBİB yanında Tibbi-Elmi Komitənin sədri, ATU-nun Tibbi Mikrobiologiya və İmmunologiya kafedrasının professoru, tibb elmləri doktoru

Onun sözlərinə görə, Operativ Qərargah tərəfindən karantin rejiminin vaxtaşırı yumşaldılması insanlar arasında təması artırıb və bu da yoluxma sayına təsir edib.

"Bu gün karantin rejiminin qaydalarına əməl etmiriksə, sabah yenidən evdə qalmalı olacağıq. Karantin yenidən sərtləşdirilə bilər. Metro yenidən işini dayandıra bilər. İnfeksiyaya yoluxanların sayı yenidən əhəmiyyətli dərəcədə artarsa, məhdudlaşdırıcı tədbirlərin sərtləşdirilməsi qaçılmaz olacaq", – deyə A. Qurbanov vurğulayıb.