USD1,7000
EUR1,8634
GBP2,1133
RUB0,0208

AQTA ictimai iaşə müəssisələrini əsassız cərimələyir? - AÇIQLAMA

19.02.2021 İqtisadiyyat
0 0
"Ötən il avqustun 18-dən Qida Təhlükəsizliyi Agentliyi və aidiyyəti qurumlar tərəfindən Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə ictimai iaşə müəssisələrində gündəlik monitorinqlər həyata keçirilir".

"Kommersant.az"ın məlumatına görə, bunu AQTA-nın ictimaiyyətlə əlaqələr sektorunun müdiri Aysel Fərziyeva "Facebook" səhifəsində bildirib.

Onun sözlərinə görə, AQTA tərəfindən indiyədək respublika üzrə fəaliyyət göstərən ictimai iaşə müəssisələrində 56 388 monitorinq keçirilmiş, sözügedən müəssisələrdə marifləndirmə (izahedici) və nəzarət tədbirləri aparılıb:

"Ölkə üzrə fəaliyyət göstərən 11 086 ictimai iaşə müəssisəsində sıxlıq normalarını əks etdirən lövhələrin yerləşdirilməsinə, 6 745 ictimai iaşə müəssisəsində isə karantin tədbirlərinin icrasına məsul şəxslərin təyin edilməsinə nail olunub. Sahibkarların bu sahədə mövcud tələblər barədə məlumatlandırılması məqsədilə genişmiqyaslı maarifləndirmə işləri həyata keçirilib, ümumilikdə TV və radio vasitəsi ilə 382 çıxış, sosial şəbəkə hesablarında 589 paylaşım, tələblərə dair 100 multimedia materialı hazırlanaraq ictimaiyyətə təqdim edilib. Eləcə də, metodiki göstərişlərin tələblərini özündə əks etdirən 70 adda poster hazırlanaraq respublika üzrə 11 mindən çox ictimai iaşə müəssisəsində yerləşdirilməsi təmin olunub. Lakin, görülən bütün tədbirlərə baxmayaraq keçirilən monitorinqlər zamanı hələ də qaydaları kobud şəkildə pozan sahibkarlıq subyektlərinə rast gəlmək olur".

A.Fərziyeva deyib ki, bəzi kafe və restoranlarda xəbərdarlıqlara məhəl qoymadan adambaşına müəyyən edilən sıxlıq normalarına əməl edilməməsi, masalar və oturacaqlararası tələblərin pozulması, məsul şəxslərin təyin edilməməsi, bir masa ətrafında 6 nəfərdən çox şəxsin əyləşməsi ilə korporativ tədbirlərin keçirilməsi halları qeydə alınıb:

"Əfsuslar olsun ki, bəzi kütləvi informasiya vasitələrində ictimai iaşə müəssisələrinin karantin rejimi dövründə əsassız cərimələnməsinə dair həqiqətə uyğun olmayan məlumatlar yayımlanır. İddia olunur ki, Azərbaycan Respublikası Qida Təhlükəsizliyi Agentliyinin müfəttişləri tərəfindən eyni masa arxasında əyləşən ailə üzvlərinin qaydalara əməl etməməsi əsas gətirilərək sahibkarlıq subyekti barədə inzibati cərimələr tətbiq edilir. Nəzərinizə çatdıraq ki, bu kimi məlumatlar tamamilə reallıqdan kənardır və həqiqətləri əks etdirmir.

Qida Təhlükəsizliyi Agentliyi və aidiyyəti qurumlar tərəfindən yalnız qanunvericiliyin tələblərinə, həmçinin Azərbaycan Respublikası Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə ictimai iaşə obyektlərində reydlər keçirilir. Agentik tərəfindən qanunvericilikdə nəzərdə tutulan tələblərə və Nazirlər Kabinetinin qərarı ilə təsdiq edilmiş metodiki göstərişlərə əməl edilmədiyi hallarda sahibkarlıq subyektləri barədə cərimələr tətbiq edilir.

Nəzərə almaq lazımdır ki, pandemiya şəraiti bütün sahələrə təsirsiz ötüşməyib, sərt karantin rejimi dövründə hətta kafe və restoranların fəaliyyəti bir müddət məhdudlaşdırılıb. AQTA və aidiyyəti qurumların həyata keçirdiyi reydlər zamanı məqsəd sahibkarlara qarşı cərimələrin tətbiqi deyil, yenidən sərt karantin rejiminə keçməyi zəruri edəcək vəziyyətin yaranmasının, yoluxma hallarının sürətlə artmasının qarşısının alınmasıdır. İctimai iaşə müəssisələri insanların sıx toplaşdığı yerlər olduğundan belə məkanlarda qaydalara əməl edilməməsinin virusun yayılma intensivliyinə birbaşa təsir göstərdiyini nəzərə alaraq sahibkarlar öz məsuliyyətlərini dərk etməli, qanunvericiliyin tələblərinə uyğun fəaliyyət göstərməlidirlər.

Nəzərinizə çatdıraq ki, ictimai iaşə müəssisələrində monitorinqlər bundan sonra da davam etdiriləcək və qaydalara əməl etməyən sahibkarlıq subyektləri ilə bağlı qanunvericiliyə uyğun müvafiq tədbirlər görüləcək", - deyə o qeyd edib.

  • Əvvəlki

    Toylarla bağlı açıqlama: 100 nəfərlə...

Digər xəbərlər

28.03.2024 İqtisadiyyat
Dünya birjalarında neft neçəyə satılır?
0 0
28.03.2024 İqtisadiyyat
Bu günə olan valyuta məzənnələri
0 0
27.03.2024 İqtisadiyyat
Apple panoramik ekranlı iPhone-u icad etdi
0 0