Ən ucuz dəniz turları

23.10.2018 Turizm
Noyabrın ən ucuz dəniz turları açıqlanıb.

"Kommersant.az" xəbər verir ki, Rusiya Tur Operatorları Assosiasiyasının (ATOR) məlumatına görə, 10 noyabrda Birləşmiş Ərəb Əmirliklərinə turun orta qiyməti 29,4%, İordaniyaya 28,4%, Çinin Haynan adasına 10 günlük səyahət isə 22,3% ucuzlaşacaq. Karib hövzəsi ölkələrinə təşkil edilən turlarda da qiymət azalması müşahidə ediləcək. Məsələn, Meksikaya 19,6%, Kubaya isə 31,7%.

Qiymət baxımından siyahının lideri Birləşmiş Ərəb Əmirlikləri olub. Ora 10 günlük gediş-dönüş, hotel, transfer və tibbi sığortanın haqqı orta hesabla 877 dollara başa gələcək. Digər pillələri isə İordaniya (1007 dollar) və Tayland (1072 dollar) bölüşür. Beşlikdə eyni zamanda Şri-Lanka , onluqda isə İsrail, Bali, Vyetnam, Meksika və Kuba da var.