Hazırda “Avtomobil yollarının dövlət reyestri” elektron məlumat bazasının yaradılması üzərində iş aparılır.
Bunu APA-nın sorğusuna cavab olaraq Azərbaycan Avtomobil Yolları Dövlət Agentliyinin İctimaiyyətlə əlaqələr şöbəsinin rəisi Anar Nəcəfli bildirib.
Onun sözlərinə görə, bu məlumat bazasını qısa müddət ərzində yaratmaq mümkün deyil: "Çünki bütün yollar haqqında məlumatlar toplanmalı və bir dövlət reyestrində öz əksini tapmalıdır. Hazırda bu məlumatların toplanması işi görülür. Məlumatlar toplandıqdan sonra reyestrin yaradılması, mexanizmin qurulması üzərində işlər aparılacaq".