Nyu-York Fond birjasına ilk dəfə qadın rəhbərlik edəcək

23.05.2018 Dünya
226 illik tarixə malik olan Nyu-York Fond birjasına ilk dəfə bir qadın rəhbərlik edəcək

"Kommersant.az" xəbər verir ki, birjanın rəhbərliyinə gətirilən Steysi Kunniqam cümə günündən etibarən vəzifəsinin icrasına başlayacaq. O, bu işdə Tomas Farleyi əvəz edəcək.

Qurumdan edilən açıqlamada Kumminqamın 1996-cı ildən Nyu-York Fond birjasında çalışdığı ifadə edilib.

1792-ci ildə qurulan Nyu-York Fond birjasının 67-ci və ilk qadın rəhbəri olacaq Kunniqamdan əvvəl, Katerin Kiney adlı qadın liderlik vəzifəsini digər kişilərlə birlikdə paylaşıb.

Adena Fraydman adlı qadın isə 2017-ci ilin yanvar ayından “Nasdaq” fond birjasının ilk qadın rəhbəri və icraçı direktoru olub.