16.04.2020 İqtisadiyyat

0 0

O, bu barədə ÜST-ün gündəlik mətbuat brifinqində deyib.

"ABŞ ÜST-ün uzunmüddətli və səxavətli dostu olub və biz ümid edirik ki, bu, belə olmağa davam edəcək. Biz ABŞ Prezidenti Donald Trampın ÜST-ə maliyyə dəstəyinin dayandırılması qərarından təəssüflənirik", o deyib.

ÜST-ü baş direktoru bildirib ki, təşkilat hər zaman həm vətəndaşlara həm ABŞ hökumətinə dəstək verib.

"ÜST dünyanın ən kasıb və həssas ölkələrinin və insanların səhiyyəsi və sağlamlığı üçün çalışır. ÜST yalnız COVD-19-a qarşı deyil, digər xəstəliklərə qarşı mübarizə aparır. Biz dünyanın müxtəlif ölkələrinin səhiyyə sistemlərinin inkişafına dəstək veririk", Tedros Adanom Gebreyesus qeyd edib.

Baş direktor hər hansı maliyyə ehtiyacı ilə üzləşilməməsi üçün təşkilatın öz həmkarları ilə müzakirələr aparacağını deyib.

"Bütün insanlara xidmət etmək öhdəliyimiz mütləq olaraq qalır. Bizim missiyamız iqtisadiyyatın gücündən və ya əhali sayından asılı olmayaraq dünyanın bütün ölkələri ilə bərabər şəkildə işləməkdən ibarətdir.

COVID-19 xalqlar, insanlar arasında etnik mənsubiyyətinə, dininə, ideologiyalarına görə, ölkələr arasında isə iqtisadiyyatının gücünə və əhali sayına görə diskriminasiya etmir. Biz də həmçinin. bu virusla mübarizə əməkdaşlıq tələb edir. Hamımızın ümumi düşmənə qarşı birləşmək vaxtıdır", – Gebreyesus vurğulayıb.