14.03.2024 Siyasət

0 0

Mnuchin CNBC televiziyasına verdiyi müsahibədə Nümayəndələr Palatasında qəbul edilən və Senata göndərilən "Amerikalıları Xarici Düşmənlərin Nəzarətindəki Tətbiqlərdən Qorunması" adlı qanun layihəsinin qəbul edilməsi və TikTokun satılması lazım olduğunu düşündüyünü bildirib.

TikTok almaq üçün qrup quracağını deyən Mnuchin, "Bu, ABŞ bizneslərinə aid olmalıdır. Çinlilərin ABŞ şirkətinin Çində belə bir şeyə sahib olmasına icazə verməsi mümkün deyil" qiymətləndirməsini edib.

Mnuchin belə bir sövdələşmədə digər investorların kim olacağını dəqiqləşdirməsə də, ABŞ-ın Google və Meta kimi texnologiya nəhənglərinin antiinhisar problemləri yarada biləcəyi üçün satınalma qrupuna daxil edilməyəcəyini bildirdi.

İstifadəçilərin tətbiqi sevdiyini və bağlanmaması lazım olduğunu müdafiə edən Mnuchin, "Tətbiqin ABŞ-da yenidən yaradılması lazımdır. Bu, bizim texnologiyamız olmalıdır. Çinlilərin nəzarəti altında olmamalıdır. Ümid edirəm ki, bir proqram tapa biləcəyik" dedi.

ABŞ Nümayəndələr Palatası TikTok-un ölkədə qadağan edilməsinə yol açan qanun layihəsini “milli təhlükəsizliklə bağlı problem yaratdığı” səbəbilə qəbul edib və Senata göndərib.

Qanun layihəsi TikTok-un Çin ana şirkəti ByteDance-dan şirkəti satmağı tələb edir, əks halda TikTok müvafiq tətbiq bazarlarında 5 ay və ya tamamilə qadağan ediləcək.

Respublikaçılar və Demokratların birgə səsverməsi ilə qəbul edilən qanun layihəsinin tərəfdarları Pekində yerləşən ByteDance şirkətinin TikTok vasitəsilə əldə etdiyi Amerika vətəndaşları haqqında məlumatın Çin administrasiyasına ötürüldüyünü iddia edirlər.

Qanun layihəsinə qarşı çıxan Konqres üzvləri TikTok-un Çinə məlumat toplayıb ötürməsi iddiasının sübuta ehtiyacı olduğunu və tətbiqin qadağan edilməsinin “ifadə azadlığının” məhdudlaşdırılması anlamına gələ biləcəyini bildirirlər.

TikTok rəhbərliyi isə bu iddiaların həqiqəti əks etdirmədiyini və ABŞ-dakı digər sosial media platformaları kimi tamamilə Amerika qanunlarına uyğun fəaliyyət göstərdiyini iddia edir.