“Dənizbank”ın satışı ilə əlaqədar - İLK AÇIQLAMA

22.05.2018 Maliyyə
“Dənizbank”ın satışı Türkiyə üçün çox əhəmiyyətlidir, həm adımız, həm də rəhbərlik öz yerində qalacaq.

"Kommersant.az" xəbər verir ki, bunu “Dənizbank”ın baş direktoru Hakan Ateş deyib. Onun sözlərinə görə, “Emirates NBD”nin “Sberbank”dan etdiyi tələblərdən biri də rəhbərliyin öz işində qalması idi.

Satış prosesində hələlik payçı alış müqaviləsinin imzalandığına diqqət çəkən Ateş tənzimləyici şəxslərin təsdiqinin alınmadığına diqqət çəkib. Bundan sonra satış tamamlanacaq.

“Satış prosesi Avstriyada, Moskvada Rusiya Mərkəz bankının və BƏƏ-də Dubay mərkəzi bankının təsdiqinə tabedir. Bir də Bəhreyndən təsdiq alacağıq, orada da ayrı əməliyyatımız var. Bu təsdiqlər başa çatdıqdan sonra satış reallaşacaq. Bu nə qədər qısa zamanda olarsa, hamımız üçün daha yaxşıdır”, - Ateş qeyd edib.

“Dənizbank”ın varlığı 31 oktyabr 2017-ci il tarixindən etibarən dondurulub. Bundan sonrakı mənfəət və zərər kimi bütün risklər alıcı “Emirates NBD”ə aiddir.