ABŞ İran təyyarələrinə sanksiya tətbiq edib

25.05.2018 Dünya
ABŞ İranın bir neçə aviaşirkətinə qarşı sanksiya tətbiq edib.

"Kommersant.Az" xəbər verir ki, məlumatı “France Press” agentliyi yayıb.

Həmin mülki aviaşirkətlər İran İslam İnqilabı Keşikçiləri Korpusunun (SEPAH) ilə əlaqədə olduqları üçün sanksiyaya məruz qalıblar.

Bildirilib ki, ABŞ-ın Maliyyə Nazirliyinin "qara siyahı"sında İranın “Mahan Air”, “Caspian Air”, “Meraj Air” və “Pouya Air” hava yollarının adları var. İran və Türkiyənin 9 fiziki və hüquqi şəxsi bu şirkətlərin təyyarələrinə ehtiyat hissələri əldə etməyə yardım göstərdikləri üçün sanksiyaya məruz qalıblar.