Plastik kartların

Plastik kartların - QİYMƏTLƏRİ

Banklarımızın fərdi şəxslərə təklif etdikləri plastik debet kartların qiymətləri və müddəti barədə siyahı hazırladıq. 25 bank arasında 3 bank istifadəyə buraxdığı debet kartları müştərilərinə pulsuz təklif edir.

Kommersant.az xəbər verir ki, kartların qiyməti isə siyahıda qeyd edilən banklar arasında müddətə görə dəyişə bilir. Bundan başqa bəzi banklarda plastik karta müəyyən olunan məbləği ilkin mədaxil edilərsə, bank kartı müştəriyə pulsuz təqdim edilir.

“Azərbaycan Beynəlxalq Bankı” (qısaca –ABB) rəsmi internet saytında kartın pulsuz olduğunu bildirsə də, kartı əldə edərkən 500 manat/dollar/avro mədaxil edilsə, plastik kartı ödənişsiz verir.

“AFB Bank”da Master və Visa debet kartının qiyməti 1 illik - 10 manat, 2 illik - 15 manat, 3 illik - 25 manat təşkil edir.

“Bank of Baku”nun Bolkart Standart kartlarının qiyməti 1 illik - 8 manat, 2 illik - 14 manat, 3 illik - 20 manat təşkil edir. Kart üçün sığorta məbləği nəzərdə tutmayan bank təcili sifarişlər üçün 15 manat tələb edir.

“Bank Avrasiya”da Master və ya Visa kartların iki illik qiyməti pulsuz, əlavə kartın əldə olunması 10 manat, 3 illik kartın qiyməti 20 manatdır.

“Bank BTB”nin Mastercard Standart kartlarının qiyməti 1 illik - 15 manat, 2 illik - 20 manat, 3 illik - 25 manat təşkil edir. Bundan başqa ban əlavə kart üçün 1 illik - 10 manat, 2 illik - 15 manat, 3 illik - 20 manat tələb edir. Əgər müştəri kartını təcili olaraq əldə etmək istəyirsə, əlavə 10 manat ödəniş etməlidir.

“Bank VTB” bankın buraxdığı kartlar barədə müştərilərinə əvvəlcədən məlumat vermədiyi üçün siyahıda x olaraq qeyd olunub.

“ExpressBank” standart kartların buraxılmasına görə ilkin mədaxil zamanı ödəniş tələb etməsə də, 4 illik kartın buraxılış qiyməti 10 manat təşkil edir.

“Kapital Bank” plastik debit kartının pulsuz olduğunu bildirsə də, kartı əldə etmək istəyən müştəridən 5 manat tələb olunur.

“Muğan Bank”ın Mastercard Standart kartlarının qiyməti 1 illik - 10 manat, 2 illik - 12 manat, 3 illik - 15 manat təşkil edir. Bank PİN-Change xidməti üçün 1 manat, internet bankçılığa görə 3 manat komissiya tutur.

“Rabitə Bank”ın mətbuat katibi Aydın Hüseynov sorğumuzu cavablandırmır və bankdan verilən məlumata görə, sözügedən mətbuat katibi ictimaiyyətə açıq deyil.

“Xalq Bank”ın Xalqkart plastik kartlarının qiyməti 1 illik - 8 manat, 2 illik - 10 manat, 3 illik - 12 manat təşkil edir.

“Yelo Bank”dan Yelokart debet kartına 300 manat/dollar/avro ilkin mədaxil olunduğu zaman bank kartı müştəriyə pulsuz təqdim olunur. Amma ilkin mədaxil olmazsa, bankın kartını 1 illik 10 manat, 3 illik isə 15 manata təkilf edilir.

№	Bankın Adı		Fərdi Debet Kartları
		Kartın adı	Müddəti	Qiyməti
1	ABB	TamKart	5 il	0
2	Access Bank	MyCard	1 il	15
3	AFB Bank	Xüsusi adı yoxdur	1-3 il	10-25
4	ASB	Extra	1 il	15
5	Azər Türk Bank	ATB	5 il	0
6	Bank Avrasiya	Xüsusi adı yoxdur	1-3 il	0-20
7	Bank BTB	Xüsusi adı yoxdur	1-3 il	15-25
8	Bank of Baku	Bolkart	1-3 il	8-20
9	Bank Respublika	Neo	3 il	20
10	Bank VTB	X	X	X
11	Express Bank	Expresso	4 il	0-10
12	Günay Bank	Xüsusi adı yoxdur	Xüsusi adı yoxdur	Xüsusi adı yoxdur
13	Kapital Bank	Birkart	3 il	5
14	Melli İran Bankı	Debet kartı yoxdur	Debet kartı yoxdur	Debet kartı yoxdur
15	Muğan Bank	Xüsusi adı yoxdur	1-3 il	10-15
16	Naxçıvan Bank	Xüsusi adı yoxdur	1 il	10
17	Paşa Bank	Debet kartı yoxdur	Debet kartı yoxdur	Debet kartı yoxdur
18	Premium Bank	Xüsusi adı yoxdur	1-3il	10-25
19	Rabitə Bank	İctimaiyyətə açıq bank deyil	İctimaiyyətə açıq bank deyil	İctimaiyyətə açıq bank deyil
20	Turan Bank	Debet kartı yoxdur	Debet kartı yoxdur	Debet kartı yoxdur
21	UniBank	Ucard	5 il	0
22	Xalq Bank	Xalqkart	1-3 il	8-12
23	Yapı Kredi Bank	Pulkart	1 il	5
24	Yelo Bank	Yelokart	1-3 il	0-15
25	Ziraat Bank	Bankkart	1-3 il	10-19