Kreml: Suriya rəhbərliyini Rusiya-Ərəb Sammitinə dəvət edəcəyik

Kremlin sözçüsü Dmitri Peskov, Suriya rəhbərliyini oktyabrda keçiriləcək Rusiya-Ərəb Sammitinə dəvət edəcəklərini bildirərək, "Mövcud Suriya rəhbərliyi ilə əlaqələrimiz var və gələcəkdə də davam edəcəyik. Suriyada maraqlarımız var" dedi.

Kremlin sözçüsü Dmitri Peskov paytaxt Moskvada cari məsələlərlə bağlı jurnalistlərin suallarını cavablandırıb.

Peskov ABŞ prezidenti Donald Trampın Suriyaya qarşı sanksiyaları ləğv etmək qərarını dəyərləndirib və bunun ABŞ-ın suveren qərarı olduğunu vurğulayıb.

Oktyabrda keçiriləcək Rusiya-Ərəb Sammitinə Suriya rəhbərliyini dəvət etməyi planlaşdırdıqlarını açıqlayan Peskov, "Əlbəttə ki, belə dəvətlər olacaq. Hazırkı Suriya rəhbərliyi ilə əlaqələrimiz var və gələcəkdə də davam edəcəyik. Suriyada maraqlarımız var" dedi. “Biz Ukrayna ilə danışıqlar prosesinin uzadılmasının tərəfdarı deyilik” deyib.

ABŞ prezidenti Donald Trampın Ukrayna və Rusiya üzrə xüsusi nümayəndəsi Keyt Kelloqun Rusiyanın Ukrayna ilə danışıqlar prosesini uzatdığına dair açıqlamasını dəyərləndirən Peskov, ABŞ rəhbərliyinə Ukrayna böhranının həlli istiqamətində göstərdiyi səylərə görə minnətdar olduqlarını bildirib və bunları qeyd edib:

"İndi danışıqların üçüncü raundunun tarixini razılaşdırmağın vaxtıdır. İndiyə qədər danışıqların ikinci raundunda əldə olunmuş razılaşmalar icra olunub. Bütün humanitar razılaşmalar yerinə yetiriləndə biz bir araya gəlib məsləhətləşmələr aparacağıq. Heç kim prosesi uzatmır. Biz siyasi diplomatik yollarla qarşıya qoyduğumuz məqsədlərə nail olmaq istəyirik. Ona görə də prosesin uzadılmasının tərəfdarı deyilik".