Dünyada ən çox satılan avtomobil modelləri

05.09.2018 Maliyyə
“Ford” liderliyi ələ alıb.

“Kommersant.az” xəbər verir ki, İngiltərənin JATO şirkətinin cari il üçün araştırmaları ilin ilk yarısında ötən illə müqayisədə avtomobil alış-satışının 3,6% artdığını və 44 milyon avtomobil satıldığını bildirib.

Belə ki, araşdırmaya əsasən dünya üzrə son zamanlar ən çox satılan avtomobillərin siyahısı hazırlanıb. Siyahıda ilk yeri “Ford” “F-150” tutur. Sözügedən avtomobildən 542827 ədəd satılıb. Növbəti yer 478122 ədəd satılan “Toyota Corolla” avtomobillərinindir. Siyahı 431836 ədəd satılan “Volkswagen Golf”la davam edir.

Siyahının müvafiq sıralaması “Honda Civic” 412664 ədəd, “Toyota RAV4” 395816 ədəd, “Nissan X-Trail” 392489 ədəd, “Volkswagen Passat” 356566 ədəd, “Honda CR-V” 339000 ədəd, “Honda HR-V” 334917 ədəd, 326427 ədəd isə “Chevrolet Silverado” ilə bitir.