.jpg)
Nyu-York birjası enişlə açılıb
Açılışda Dow Jones indeksi 400 bənddən çox itirərək 1,06 faiz azalaraq 38 052,09 bənd olub.
S&P 500 indeksi 1,02 faiz azalaraq 5 019,88 bənd, Nasdaq indeksi isə 2,15 faiz azalaraq 15 375,26 bənd olub.
İlin ilk rübündə ABŞ iqtisadiyyatı gözləntilərin altında böyüyərkən, açılışda birjalarda mənfi tendensiya müşahidə edildi. 2024-cü ilin birinci rübündə ölkədə Ümumi Daxili Məhsul (ÜDM) 1,6 faiz artıb. Bu nisbət 2022-ci ilin ikinci rübündəki daralmadan sonra qeydə alınan ən aşağı artım tempi idi.
İlin birinci rübündə fərdi istehlak xərclərinin qiymət indeksi 3,4 faiz artdığı halda, ərzaq və enerji xərclərinin hesablamadan çıxarıldığı əsas şəxsi istehlak xərcləri qiymət indeksi də 3,7 faiz artıb.
Analitiklər ölkədə artımın gözləntilərin altında qalsa da, inflyasiya təzyiqlərinin davam etdiyini bildirib. Ötən ilin son rübünə nisbətən artımı sürətlənən şəxsi istehlak xərcləri qiymət indeksinin davamlı inflyasiya siqnalları verdiyini ifadə edən analitiklər, bunun ABŞ Federal Ehtiyat Sisteminin (FED) yaxın gələcəkdə faiz dərəcələrini aşağı salacağına dair ümidləri zəiflətdiyini qeyd ediblər.
Digər xəbərlər
Rusiya məhkəməsi JPMorgan-ın aktivlərinə və Commerzbank səhmlərinə həbs qoyub
Microsoft süni intellektə milyard dollarlıq sərmayə qoymağı planlaşdırır
