.jpg)
“LG Electronics”in əməliyyat mənfəəti üç ayda 10,8 faiz azalıb
Kommersant.az xarici KİV-ə istinadən xəbər verir ki, şirkətin əməliyyat mənfəəti yanvar-mart rübündə əvvəlki ilin müvafiq dövrü ilə müqayisədə 10,8 faiz azalaraq, 973,2 milyon dollar təşkil edib.
Bununla belə, mənfəət göstəricisi təxminən 922,4 milyon dollar həcmində proqnozlaşdırılan bazar gözləntilərini üstələyib.
Kompaniyanın gəliri 3,3 faiz artaraq, 15,3 milyard dollar olub və bu, şirkətin tarixində ən yüksək birinci rüb gəliri kimi qeydə alınıb. Xalis gəlir isə 7,1 faiz artaraq, 425,2 milyon dollara çatıb.
Məişət texnikası bölməsi üç ayda 6,2 milyard dollar gəlirlə 682,9 milyon dollar, avtomobil komponentləri biznesi isə 1,9 milyard dollar gəlirlə 37,8 milyon dollar əməliyyat mənfəəti əldə edib. Bu, ötən ilin eyni rübünə nisbətən 11,5 faiz artım deməkdir.
Digər xəbərlər
Rusiya məhkəməsi JPMorgan-ın aktivlərinə və Commerzbank səhmlərinə həbs qoyub
Microsoft süni intellektə milyard dollarlıq sərmayə qoymağı planlaşdırır
