Humanitar işçilər üçün çətin il: 2024-cü ildə itkilər pik həddə çatıb

Birləşmiş Millətlər Təşkilatının (BMT) Humanitar Məsələlərin Koordinasiyası Ofisi (UNOCHA) 2024-cü ildə 383 humanitar işçinin öldürüldüyünü və bu, bir il ərzində rekord sayda olduğunu açıqlayıb.

UNOCHA 19 avqust Ümumdünya Humanitar Yardım Günü ilə bağlı yazılı açıqlama yayıb.

Açıqlamada qeyd olunub ki, ötən il 383 humanitar işçi həlak olub və bu, bir ildə qeydə alınan ən yüksək rəqəmdir.

Bəyanatda bunun "şok edici" olduğu və münaqişə və böhran vəziyyətində olan bütün mülki şəxslərin müdafiəsi və cəzasızlığa son qoyulması üçün xəbərdarlıq olduğu bildirilib.

Bəyanatda humanitar yardım işçilərinin baş verən hadisələrə cavab olaraq təcili tədbirlər görülməsinə çağırış edildiyi vurğulanaraq, "Ölən humanitar yardım işçilərinin əksəriyyəti öz icmalarına xidmət edən yerli işçilərdir. Bu insanlar vəzifə yerinə yetirərkən və ya evlərində hücuma məruz qalıblar. Keçən il daha 308 yardım işçisi yaralanıb, 125 nəfər qaçırılıb, 45 nəfər isə saxlanılıb" deyib.

Bəyanatda 2024-cü ildə humanitar yardım işçilərinin ölümlərinin 2023-cü ilə nisbətən 31 faiz artdığı vurğulanaraq, bu insanların 181-nin Qəzzada öldürüldüyü, 60-nın isə Sudandakı amansız qarşıdurma nəticəsində həyatını itirdiyi vurğulanıb.