İngiltərə Bankı siyasət faizini 25 bənd azaldaraq 4 faizə endirib

İnflyasiya gözləntiləri artsa da, iqtisadi artım zəif olaraq qalır.

İngiltərə Bankı (BoE) bazar gözləntilərinə uyğun olaraq siyasət faizini 25 baza bəndi azaldaraq 4%-ə endirib.

BoE-dən verilən açıqlamaya görə, Pul Siyasəti Komitəsinin dörd üzvü faiz dərəcəsinin 4%-ə, dördü 4,25 faizə, biri isə 3,75 faizə endirilməsinin tərəfdarı olub. Bunun ardınca səsvermənin ikinci turu, qubernator Endryu Beyli də daxil olmaqla beş üzvün siyasət faizini 4%-ə endirmək üçün səs verməsi ilə nəticələndi.

Dezinflyasiya faiz dərəcələrinin aşağı salınmasına yol açır
Açıqlamada qeyd olunub ki, son iki il yarım ərzində həyata keçirilən sərt pul siyasəti ölkədə əhəmiyyətli dərəcədə deinflyasiya ilə nəticələnib və bu, BoE-nin faiz dərəcələrini azaltmasına imkan verib.

İnflyasiya hədəfi saxlanılıb
Komitə 2%-lik orta müddətli inflyasiya hədəfini qoruyub saxlasa da, may ayından etibarən orta müddətli inflyasiya təzyiqləri üçün yuxarıya doğru risklərin artdığı müəyyən edilib. Bu çərçivədə sentyabr ayı üçün inflyasiya gözləntiləri 3,7 faizdən 4 faizə yüksəldilib.

Artan inflyasiyaya qarşı xəbərdarlıq
Qeyd olunub ki, inflyasiyanın müvəqqəti artması əmək haqqı və qiymətqoyma mexanizmlərinə əlavə təzyiq yarada bilər. BoE bu riskə qarşı ayıq qalacağına işarə etdi.