18.10.2019 Sosial

0 0

Bəs Azərbaycanda da oxşar təkliflər gündəmə gələ bilərmi?

Mövzu ilə bağlı “Yeni Sabah”a açıqlama verən sosioloq Əhməd Mansurov qeyd edib ki, təkcə cərimə ilə bu məsələnin həllinə çatmaq olmaz:

“Azyaşlıların tütün məmulatlarına qarşı aludəçiliyinin qarşısını almaq üçün valideynlərin cəzalandırılması ilə bərabər tütünün zərərləri, onun azyaşlılara vurduğu ziyan, həmçinin tütün məmulatlarının reklamı ilə məşğul olanlara da cəza müəyyənləşməlidir. Lakin bizim ölkədə bir cərimə ilə bu məsələni idarə etmək çətindir. Daha çox ictimai məlumatlandırma aparmaq lazımdır. Tütün məmulatından gələn gəlirdən sosial məsuliyyətli kampaniyalara vəsait ayrılmalıdır. Bu dünya təcrübəsində də var ki, bir çox ölkələrdə tütündən gələn vəsaitlə tütünə qarşı mübarizəyə pul ayrılır. Maarifləndirməyə köklənsək, daha yaxşı olar. Əlbəttə ki, cərimə də tətbiq edilsə, valideynlərin uşaqlar üzərində nəzarəti daha da artar.

Burada mütləq nəzərə almaq lazımdır ki, valideyn himayəsindən məhrum olan uşaqlar da var. Ona görə də, siqaret aludəçisi olan azyaşlı qruplarla işlər aparmaq, maarifləndirmə tədbirləri həyata keçirmək vacibdir".

Məsələyə münasibət bildirən hüquqşünas İradə Cavadova isə bildirdi ki, gələcəkdə Azərbaycanda da bu cür cərimələr tətbiq oluna bilər:

“Qanunda azyaşlıların tütün məmulatlarına aludəçiliyinə görə valideynlərin üzərinə hüquqi məsuliyyət düşmür. İndi bütün ölkələrdə azyaşlı uşaqların siqaret aludəçiliyinə qarşı mübarizə aparılır. Hazırda azyaşlılar həm tütün məmulatlarından, həm də narkotik vasitələrdən istifadə edirlər. Bu adətən azyaşlıların hansısa mühitə düşdükdə özünü sübut üçün başlayır. Daha sonra isə bu aludəçiliyə dönüşür. Bu qadınlarımıza, qızlarımıza, hamilə qadınlara xüsusi zərərdir.

Düşünürəm ki, belə bir qanunun qəbul edilməsi vacib addımdır. İlk öncə ictimai yerlərdə siqaretin istifadəsi qadağan olunmalıdır. Məsələ burasındadır ki, Azərbaycandakı tütün məmulatlarında keyfiyyəti ürəkaçan deyil. Düzdür, bizdə tütün plantasiyaları var, amma nədənsə yetişdirilib, istehsal edilən bu tütün məhsulları xaricə istehsal olunur. Belə qanunun bizim ölkədə nə qədər effektiv olub-olmayacağını bilmirəm. Çünki azyaşlıların siqaret çəkdiklərindən çox vaxt valideynlərin heç xəbəri olmur. Təkcə valideynlər deyil, hamı ayıq olmalıdır. Əgər məktəbdə belə bir hal ilə rastlaşılıbsa, valideyn çağrılaraq, xəbərdarlıq edilməlidir. Bu yeterincə effektiv olmasa, cərimə tətbiq etmək olar”.