.jpg)
.jpg)
Azərbaycanın xarici iqtisadi mövqeyi - ARTAN VƏ AZALAN GÖSTƏRİCİLƏR
29.07.2019
İqtisadiyyat
0
0
Ölkənin xarici iqtisadi mövqeyi yaxşılaşmaqda davam edir. Azərbaycanın xarici ticarət balansı profisitlidir və artmaqdadır. Belə ki, yanvar-iyun aylarında malların ixracı 15.2%, o cümlədən, qeyri-neft ixracı 13.5% artmaqla monetar qızıl idxalı nəzərə alınmadan 11.6% göstərici ilə qeyri-neft idxalının artım tempini üstələyib. Neftin orta qiyməti ilin ötən dövründə 66 dolları üstələmişdir
"Kommersant.az" xəbər verir ki, profisitli tədiyə balansı şəraitində ölkənin strateji valyuta ehtiyatları ilin əvvəlindən 9.7% və ya 4.3 mlrd. dollar artaraq 49.1 mlrd. dollara çatıb.Beynəlxalq təşkilatlar 2019-cu ildə qlobal iqtisadi artım, o cümlədən ölkəmizin bir neçə əsas ticarət tərəfdaşları üzrə iqtisadi artım proqnozlarını azalmağa doğru təshih etmişdir. Qlobal qeyri-müəyyənliklər və ticarət qarşıdurmaları qalmaqdadır.
Dünya ərzaq qiymətləri cari ilin əvvəlindən 7.1%, o cümlədən ət məhsulları üzrə 8.4%, süd məhsulları üzrə isə 17.2% yüksəlib. Xarici monetar şərait yumşalmaqda davam edir və inkişaf etməkdə olan ölkələr qrupuna daxil olan əsas xarici ticarət tərəfdaşlarında makroiqtisadi sabitliyə müsbət təsir göstərir.
Fins.az
Digər xəbərlər
18.07.2025
İqtisadiyyat
FED sədri Pauel Ağ Evin Fed-in yenilənməsi ilə bağlı tənqidlərinə cavab verir
0
0
