ExpressBank-da yas var

ExpressBank-da yas var - Mənfəətin 35%-i rəhmətə gedib

“ExpressBank”ın faiz gəliri 1 il ərzində 14 milyon 245 min manat artaraq 82 milyon 727 min manata, faiz xərcləri isə 9 milyon 326 min manat artaraq 29 milyon 113 min manata çatıb. Yekunda bankın əldə etdiyi xalis faiz gəliri 53 milyon 613 min manat olub ki, bu da 2024-cü ilin eyni rübü ilə müqayisədə 4 milyon 919 min manat çoxdur.

Kommersant.az xəbər verir ki, qeyri-faiz gəlirini 1 milyon 632 min manat azaldaraq 18 milyon 996 min manata endirən bankın qeyri-faiz xərcləri 4 milyon 283 min manat artıb. Buna görə də “ExpressBank”ın əməliyyat mənfəəti 998 min manat və ya 4.87 faiz azalaraq 19 milyon 473 min manata düşüb.

Qazandığı mənfəətin 9 milyon 565 min manatını ehtiyata ayıran “ExpressBank” qazancından 2 milyon 602 min manat da vergi ödəyib. Yükunda bankın xalis mənfəəti 7 milyon 305 min manat olub ki, bu da 2024-cü illə müqayisədə 3 milyon 932 min manat və ya 35 faiz azdır.

ExpressBank	2025 (IV Rüb)	2024 (IV Rüb)	Fərq
Faiz Gəliri	82.727	68.482	14.245
Faiz Xərci	29.113	19.787	9.326
Xalis Faiz Gəliri/Zərəri	53.613	48.694	4.919
Qeyri-Faiz Gəliri	18.996	20.628	-1.632
Qeyri-Faiz Xərci	53.135	48.852	4.283
Əməliyyat Mənfəəti (Zərəri)	19.473	20.471	-998
Xalis Mənfəət (Zərər)	7.305	11.237	-3.932