USD1,7000
EUR1,8634
GBP2,1133
RUB0,0208

Zelenski Yaponiyanın baş nazirinə zəng edib

03.04.2024 Siyasət
0 0
Zelenski Yaponiyanın baş naziri Kişida ilə telefon danışığı aparıb.

Ukrayna Prezidenti Vladimir Zelenski ilə Yaponiyanın Baş naziri Fumio Kişida arasında telefon danışığı olub. Bu barədə Ukrayna liderinin saytında dərc olunmuş müraciətdə deyilir.

Söhbət zamanı tərəflər üç raund danışıqlardan sonra ikitərəfli təhlükəsizlik sazişinin hazırlanması vəziyyətini müzakirə ediblər.

Bundan əlavə, Zelenski Kişida döyüş meydanındakı vəziyyət barədə danışıb, Rusiyaya qarşı sanksiyaları gücləndirməyə çağırıb, həmçinin Ukraynaya verdiyi davamlı dəstəyə görə Yaponiyaya təşəkkür edib.

“Mart ayına olan məlumata görə, Yaponiya ölkəmizə 12 milyard dollardan çox maliyyə dəstəyi verib və bu il üçün əlavə yardım elan edib”, - deyə məlumatda bildirilir.

Bundan əvvəl Tokio Dünya Bankının (DB) layihələri çərçivəsində Kiyevə 118 milyon dollar köçürüb. Vəsait səhiyyə sisteminin bərpasına və mənzillərin təmirinə sərf olunacaq.