Trampın tarifləri 2026-cı ilə qədər 30% səviyyəsində qala bilər

90 günlük atəşkəsdən sonra ABŞ-ın Çinə tətbiq etdiyi tariflərin yüksək səviyyədə qalacağı gözlənilir. Analitiklər ABŞ-ın 2025-ci ilin sonuna kimi tarifləri 30 faiz səviyyəsində saxlayacağını proqnozlaşdırırlar. Bu vəziyyətin Çinin ABŞ-a ixracını ciddi şəkildə azalda biləcəyi bildirilir.

Analitiklər və investorlar ABŞ prezidenti Donald Trampın Çinə tətbiq etdiyi tariflərin 90 günlük atəşkəsdən sonra da yüksək qalacağını proqnozlaşdırırlar.

Bloomberg-in Asiya, Avropa və ABŞ-dan 22 fond meneceri, bank və araşdırma şirkəti nümayəndələrinin qatıldığı sorğuya görə, ABŞ-ın Çin məhsullarına tətbiq etdiyi tariflərin 2025-ci ilin sonuna qədər 30% səviyyəsində qalması ehtimalı olduğu bildirilib.

“ABŞ-ın rüsumları geri götürməsi ehtimalı azdır”

Bloomberg Economics bildirib ki, cari tariflər Çinin ABŞ-a daşınmalarının 70%-ni kəsəcək qədər yüksəkdir. Qeyd olunub ki, Tramp administrasiyası çətin ki, Çinə tətbiq edilən tarifləri qısa müddətdə geri çəksin.

Bazar ertəsi açıqlanacaq rəsmi məlumatlara görə, aprel ayında Çinin sənaye istehsalında yavaşlama gözlənilir. Analitiklər qeyd edirlər ki, ticarət danışıqlarına baxmayaraq, Çin iqtisadi təzyiqlərə müqavimət göstərməli ola bilər.