Rusiyada yayda istirahət üçün ölkə xaricinə alınmış hər onuncu bilet Gürcüstanadır.
"Kommersant.az" xəbər verir ki, bu barədə "Report"un RİA "Novosti"yə istinadən verdiyi məlumatda bildirilir.
"Tutu.ru" səyahət xidmətinin mütəxəssisləri 2019-cu il iyunun 1-dən sentyabrın 1-dək olan uçuşları əvvəlcədən bron etmək aksiyası üzrə təhlil aparıb.
Ardıcıl ikinci yaydır ki, azad səyahətçilər ilk növbədə reytinqdə 1-ci sırada qərarlaşan Gürcüstanı seçirlər. Monteneqro ikinci, İspaniya isə üçüncü sırada qərarlaşıb. Eyni zamanda, Gürcüstana aviabiletlərin qiyməti 9%, Monteneqroya isə 7% bahalaşıb, İspaniyaya uçuşlar isə 6% ucuzlaşıb.
"Top-10"da həmçinin İtaliya, Almaniya, Bolqarıstan, Qazaxıstan, Moldova, Qırğızıstan və Azərbaycan yer alıb.