Avro ucuzlaşdı

14.06.2018 Maliyyə
Avro/dollar məzənnəsi, Avropa Mərkəzi Bankının (AMB) İyun ayı iclasının ardından bugünkü yüksəlişini geri verərək düşüb.

​"Kommersant" xəbər verir ki, Avro, dollar qarşısında gün ərzində 1.1851-ə qədər yüksəlmişdi. AMB-nin qərarının ardından məzənnə 0.55 faiz geriləyərək 1.1722 səviyyəsini gördü."Kommersant"

AMB İyun ayı toplantısında gözləndiyi kimi faizləri dəyişdirmədi. Bank uçot dərəcəsini 0.00 faiz səviyyəsində, depozit faizini də mənfi 0.40 faiz səviyyəsində saxladı.


Bank mövcud faizlərin ən azı 2019-un yazına qədər davam edəcəyini bildirib.

Xalis aktiv (qiymətli kağızlar) alışları Dekabra qədər başa çatacaq. Bank xalis alışların Dekabr ayına qədər mərhələli olaraq sona çatdırılacağını bildirib.