BVF-nin Azərbaycan hökuməti ilə məsləhətləşəcək

06.05.2019 İqtisadiyyat
İyunun 12-dən Beynəlxalq Valyuta Fondunun (IMF) Azərbaycan üzrə missiyanın yeni rəhbəri Natalia Tamirisanın Bakıya səfəri başlayır.

"Kommersant.az" xəbər verir ki, bu barədə "Report" agentliyinə qurumun Bakı ofisindən məlumat verilib.

Məlumata görə, səfərin məqsədi IMF-nin Əssnaməsinin IV Maddə üzrə məsləhətləşmələri aparmaq və ölkə iqtisadiyyatında aparılan islahatları müzakirə etməkdir.

Hökumətlə məsləhətləşmələr iyunun 27-dək davam edəcək.

Xatırladaq ki, N.Tamirisanın missiyanın rəhbəri vəzifəsində Azərbaycana ilk səfəri aprelin 10-11-də baş tutub.

1992-ci il sentyabrın 18-dən IMF-in üzvü olan Azərbaycan 2006-cı ildən etibarən bu təşkilatdan kredit almayaraq məsləhətləşmələr və maktoiqtisadi siyasətlə bağlı texniki missyalar çərçivəsində əməkdaşlıq edir.