Almaniya Mərkəzi Bankından 'bərpa' proqnozu

Bundesbank, Almaniyanın bu rübdə yenidən daralacağını və gələn ilin əvvəlində bəzi yaxşılaşma əlamətləri olmasına baxmayaraq, bərpanın çətin olacağını söyləyib.

Almaniya yüksək enerji xərcləri, zəif qlobal sifarişlər və yüksək faiz dərəcələri səbəbindən bu il Avropanın ən zəif iqtisadiyyatları arasında yer alıb.

Almaniya Mərkəzi Bankı (Bundesbank) tərəfindən dərc edilən aylıq iqtisadi hesabatda, "İqtisadi istehsalın 2023-cü ilin dördüncü rübündə yenidən bir qədər azalma ehtimalı var. Alman iqtisadiyyatı o vaxtdan bəri davam edən zəiflik dövründən çətin bir canlanmaya hazırlaşır" dedi.

Almaniya bu il yalnız bir dəfə rüblük iqtisadi artım qeyd etdi və ilin son üç ayında göstəricilər əsasən mənfi istiqamətdə təəccübləndirdi. Yenə də Bundesbank yüksək məşğulluq, güclü əmək haqqı artımı və sabitləşən əhval-ruhiyyə göstəricilərini əsas gətirərək gələn il üçün ehtiyatlı nikbinliyini qoruyub.

Bundesbank bəyan edib ki, alman şirkətlərinin sifariş kitabçaları yavaş-yavaş azalır və bu, istehsala əngəl törədə bilər.