Rusiya iqtisadiyyatına xarici sərmayələr çökdü
2023-cü ilin sonunda Rusiyanın biznes layihələrinə xarici vençur investisiyalarının ümumi həcmi 15 dəfə azalaraq pul ifadəsində 55 milyon dollara düşüb. Bu barədə “Kommersant” Moskva İnnovasiyalar Agentliyinin məlumatlarına istinadən xəbər verir.
Eyni zamanda, xarici investorlar ultra nazik ağıllı kontakt linzalar hazırlayan bir şirkətə 73 faiz (40 milyon dollar) sərmayə qoyublar. Müqayisə üçün qeyd edək ki, 2022-ci ildə Rusiyanın perspektivli biznes layihələrinə xarici investisiyaların ümumi həcmi 814 milyon dollar həcmində qiymətləndirilir.
Ümumilikdə, Rusiyada vençur investisiya bazarı 2023-cü ilin sonunda 118,2 milyon dollar təşkil edib. 12 ay ərzində bu rəqəm 10 dəfədən çox azalıb. 2022-ci ildə Rusiya iqtisadiyyatına qoyulan bu cür investisiyaların həcmi 1,252 milyard dollar həcmində qiymətləndirilir. Beləliklə, yanvar-dekabr aylarında bu göstərici son 7 ildə tarixi minimuma çatıb, ekspertlər yekunlaşdırıblar.
Fevralın birinci yarısında RBC nəşri Maliyyə Nazirliyinin mətbuat xidmətinə istinadən departamentin xarici sərmayə axınını artırmaq üçün əcnəbilər üçün biznesin qeydiyyatını sadələşdirmək niyyəti barədə məlumat yayıb. Aydınlaşdırılıb ki, belə bir təşəbbüs dost olmayan ölkələrdən olan hüquqi şəxslərə də təsir edə bilər.
Digər xəbərlər
Dövlət Agentliyi yenə zərər etdi, yığılmış zərəri 24 milyon manatı keçdi
