Rusiyada zəlzələdən sonra Kamçatka yarımadasının yeri 2 metr dəyişdi

Rusiyanın Kamçatka yarımadasında baş verən 8,8 bal gücündə zəlzələ tarixdə altıncı ən böyük zəlzələ olub. Zəlzələ Çili və ABŞ-ın qərb sahillərinə qədər sunami xəbərdarlığına səbəb oldu, seysmik ölçmələr isə yarımadanın cənub hissəsinin 2 metr cənub-şərqə doğru sürüşdüyünü ortaya qoydu. Ekspertlər bu hərəkəti “elastik rebound” prosesi ilə əlaqələndirirlər. Zəlzələnin bölgədə iki vulkan püskürməsinə səbəb olduğu da bildirilib.

Rusiyanın Kamçatka yarımadasında ötən həftə 8,8 bal gücündə zəlzələ baş verib. Bu zəlzələ tarixdə altıncı ən böyük zəlzələ oldu. Zəlzələdən sonra Çili və ABŞ-ın qərb sahillərindən uzanan geniş ərazi üçün sunami xəbərdarlığı edilib.

Materikdən 2 metr aralıda

Zəlzələdən sonra aparılan seysmik ölçmələr təəccüblü bir tapıntı ortaya qoydu. Rusiya Elmlər Akademiyasının alimləri müəyyən ediblər ki, quru kütləsi, xüsusən də yarımadanın cənub hissəsində təxminən 2 metr cənub-şərqə doğru dəyişib. Bu yerdəyişmə 2011-ci ildə Yaponiyada baş vermiş 9 bal gücündə Tohoku zəlzələsi zamanı baş verənlərə bənzəyir. Həmin zəlzələ həm də tarixdə beşinci ən böyük zəlzələ idi.