"Zara"nın reklamlarına qadağa gəldi

Dünyaca məşhur hazır geyim brendi Zara-nın iki reklamı modelləri "sağlam şəkildə arıq" kimi təsvir etdiyi üçün qadağan edilib. Böyük Britaniyanın Reklam Standartları Təşkilatı (ASA) reklamları "məsuliyyətsiz" adlandıraraq, brendin vizual görüntülərini məsuliyyətlə tərtib etməli olduğunu bildirib.

Dünyaca məşhur moda nəhəngi Zara iki reklamındakı modellərin "sağlam arıq" göründüyü üçün qadağan edildiyini açıqlayıb.

İngiltərə Reklam Standartları Təşkilatı (ASA) mövzu ilə bağlı açıqlama verərək, reklamların "məsuliyyətsiz" olduğunu vurğulayaraq, bu şəkildə yayımlanmayacağını bildirib. Agentlik həmçinin vurğulayıb ki, Zara bütün obrazlarını məsuliyyətlə yaratmalıdır.

Modellər necə görünürdü?

ASA qeyd edib ki, reklamlardakı modellərdən birinin saçları bərk-bərk dartılıb, üzündəki kölgələr səbəbindən "batmış və qeyri-sağlam" görünüş yaradıb.

Yaxası açıq köynək geyinən modelin gözə çarpan körpücük sümüyünə diqqət çəkən başqa bir reklam isə məsuliyyətsizlik kimi qiymətləndirilib.

Reklamlar Zara-nın mobil proqramında və veb-saytında, məhsulların modeldə nümayiş olunduğu bölmələrdə və ayrı-ayrılıqda görünürdü.